தீவிர புயலாகும் அக்வான்! நவ,18, 19இல் மிக கனமழை! சென்னை உள்பட 3 மாவட்டங்களுக்கு ஆரஞ்ச் அலர்ட்

Subscribe to Oneindia Tamil

சென்னை: தென் கிழக்கு வங்கக் கடலில் உருவாகியுள்ள அக்வான் புயல் தீவிர புயலாக வலுவடைந்து ஆந்திராவில் வரும் 20ஆம் தேதி கரையை கடக்கும் நிலையில் நாளையும் நாளை மறுநாளும் சென்னை உள்பட 3 மாவட்டங்களுக்கு மிக கனமழைக்கான ஆரஞ்ச் எச்சரிக்கை விடுக்கப்பட்டுள்ளது.

தமிழகத்தில் வடகிழக்கு பருவமழை கடந்த அக்டோபர் 15 ஆம் தேதி தொடங்கியது. அப்போது முதலே வங்கக் கடலில் அடுத்தடுத்து புயல்கள் உருவாகியிருந்தன. அந்த மாத இறுதியில் தென்கிழக்கு வங்கக் கடலில் அர்னாப் என்ற புயல் உருவானது , அது தீவிரப் புயலாக மாறி அக்.28 ஆம் தேதி ஆந்திரா மாநிலம் காக்கிநாடா- ஏனாம் இடையே கரையை கடந்தது.

weather rain

இதையடுத்து அக்டோபர் 31 ஆம் தேதி வங்கக் கடலில் மீண்டும் ஒரு புயல் உருவானது. அதற்கு தமிழகம் பரிந்துரைத்த முரசு என பெயரிடப்பட்டது. இந்த புயலும், நவம்பர் 3ஆம் தேதி ஆந்திர மாநிலத்தின் தெற்கு கடலோர பகுதியான ஓங்கோலுக்கு அருகே நெல்லூர்- நரசாபுரம் இடையே கரையைக் கடந்தது.

3ஆவது புயல்

தொடர்ந்து 3-ஆவது புயல் வங்கக் கடலில் நேற்றைய தினம் உருவானது. இதற்கு ஈரான் பரிந்துரைத்த அக்வான் என பெயரிடப்பட்டது. இது தமிழகத்தை நோக்கி வரும் புயல் என எதிர்பார்க்கப்பட்ட நிலையில் இது ஆந்திரா கடற்கரையை நோக்கி செல்லும் என வானிலை மையம் தெரிவித்திருந்தது.

வங்கக் கடலில் காற்றழுத்தம்

இதுகுறித்து வானிலை ஆய்வு மைய தென்மண்டலத் தலைவர் வி.ஆர்.துரை செய்தியாளர்களிடம் கூறியதாவது: தென்கிழக்கு மற்றும் அதையொட்டிய தென்மேற்கு வங்கக் கடலில் நிலவிய புயல் சின்னம் வடக்கு- வடமேற்கு திசையில் நகர்ந்து ஞாயிற்றுக்கிழமை ஆழ்ந்த காற்றழுத்த தாழ்வு மண்டலமாக வலுப்பெற்றது.

இது மேலும் வடக்கு - வடமேற்கு திசை நோக்கி நகர்ந்து தெற்கு வங்கக் கடலின் மத்திய பகுதிகள் மற்றும் அதையொட்டிய மத்திய மேற்கு வங்கக் கடலில் திங்கள்கிழமை மாலை 5.30 மணிக்கு புயலாக வலுவடைந்தது. இது நேற்றைய நிலவரப்படி, சென்னையில் இருந்து கிழக்கே 610 கி.மீ. தொலைவிலும், ஆந்திரா மாநிலம் மசூலிப்பட்டினத்தில் இருந்து தென்கிழக்கை 660 கி.மீ. தொலைவிலும்,விசாகப்பட்டினத்திலிருந்து தெற்கு- தென்கிழக்கே 670 கி.மீ. தொலைவிலும் மையம் கொண்டிருந்தது.

அதி தீவிர புயலாகும் அக்வான்

இந்த புயல் தொடர்ந்து வடமேற்கு திசையில் நகர்ந்து இன்று மாலை தீவிர புயலாக வலுப்பெற கூடும். நாளை முழுவதும் தீவிர புயலாகவே மையம் கொண்டிருக்கும் அக்வான், நவம்பர் 19ஆம் தேதி காலை அதி தீவிர புயலாக வலுப்பெற வாய்ப்புள்லது. இதையடுத்து இந்த புயல் வடமேற்கு திசை நோக்கி நகர்ந்து, நவம்பர் 20ஆம் தேதி பிற்பகல் ஆந்திரா மாநிலம் நெல்லூருக்கும் டுனிக்கும் இடையே கரையை கடக்கும் என எதிர்பார்க்கப்படுகிறது.

மணிக்கு 145 கி.மீ. வேகத்தில் பலத்த காற்று

புயல் கரையை கடக்கும் போது மணிக்கு 145 கி.மீ வேகத்தில் பலத்த காற்று வீசும். ஆந்திரா, அதையொட்டிய தெற்கு ஒடிஸா கடலோர பகுதிகளுக்கு புயல் எச்சரிக்கையாக ஆரஞ்ச் எச்சரிக்கை விடுக்கப்பட்டுள்ளது. இந்த புயலின் நகர்வை பொருத்தே தமிழகத்திற்கு பாதிப்பு இருக்கிறதா இல்லையா என்பது கணிக்க முடியும்.

அக்வான் புயல் காரணமாக தென் கிழக்கு, தென் மேற்கு வங்கக் கடல், ஆந்திர கடலோர பகுதிகளில் நவம்பர் 18ஆம் தேதி முதல் நவம்பர் 20ஆம் தேதி வரை மணிக்கு 100 முதல் 120 கி.மீ. வேகத்தில் சூறைக் காற்று வீசக் கூடும் என்பதால் மீனவர்கள் மீன்பிடிக்க செல்ல வேண்டாம்.

ஆரஞ்ச் அலர்ட்

அக்வான் புயல் காரணமாக சென்னை, திருவள்ளூர், செங்கல்பட்டு ஆகிய மாவட்டங்களில் நவம்பர் 18, 19 ஆகிய தேதிகளில் மிக கனமழைக்கான ஆரஞ்ச் எச்சரிக்கை விடுக்கப்பட்டுள்ளது. காஞ்சிபுரம், ராணிப்பேட்டை ஆகிய மாவட்டங்களில் பலத்த மழைக்கு வாய்ப்புள்ளதால் மஞ்சள் எச்சரிக்கை விடுக்கப்பட்டுள்ளது. இவ்வாறு அவர் தெரிவித்திருந்தார்.

வங்கக் கடலில் உருவாகியுள்ள அக்வான் புயலால் இந்திய கடலோரக் காவல் படை சார்பில் பேரிடர் மீட்புக் குழுக்கள் தயார் நிலையில் உள்ளது. மீனவர்கள், கப்பல் மாலுமிகளுக்கு அவ்வப்போது உரிய எச்சரிக்கைகளை வழங்கும் வகையில் கண்காணிப்பு அமைப்புகள் புயல் நிலையை தொடர்ந்து கண்காணித்து வருகின்றன.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+