மிக்ஜாம் 'பேயா'ட்டம்: சென்னை எழும்பூரில் இருந்து தென்மாவட்டங்கள் செல்லும் 10 ரயில்கள் ரத்து

சென்னை: மிக்ஜாம் புயலின் சூறாவளி ஆட்டத்தால் சென்னை பெருநகரமும் புறநகரமும் பேய்மழை வெள்ளத்தில் தத்தளிக்கின்றன. இதனால் சென்னை சென்ட்ரல் ரயில் நிலையத்தில் இருந்து ரயில் சேவைகள் ரத்து செய்யப்படுவதாக தெற்கு ரயில்வே அறிவித்துள்ளது. அதேபோல சென்னை எழும்பூரில் இருந்து தென்மாவட்டங்களுக்கும் தென் மாவட்டங்களில் இருந்து சென்னைக்கும் வரும் ரயில் சேவைகளும் ரத்து செய்யப்பட்டுள்ளன.

மிக்ஜாம் புயல் காரணமாக சென்னை மற்றும் புறநகர் பகுதிகள் வெள்ளத்தில் மிதக்கின்றன. சென்னை சென்ட்ரல் ரயில் நிலையக்கு முந்தைய பேசின்பிரிட், வியாசர்பாடி ரயில் நிலையங்களிடையேயான பாலத்தில் பெரும் வெள்ளம் கரைபுரண்டோடுகிறது. இதனையடுத்து தெற்கு ரயில்வே சென்னை சென்ட்ரல் ரயில் நிலையத்தில் இருந்து புறப்படும் 26 ரயில்களை ரத்து செய்வதாக அறிவித்துள்ளது.

சென்னை சென்ட்ரல் ரயில் நிலையத்தில் இருந்து போடி செல்லும் எக்ஸ்பிரஸ், ரயில், ஆலப்புழா எக்ஸ்பிரஸ், காவேரி எக்ஸ்பிரஸ், ஈரோடு செல்லும் ஏற்காடு எக்ஸ்பிரஸ், பாலக்காடு எக்ஸ்பிரஸ், கொல்லம் - சென்னை எக்ஸ்பிரஸ் ரயில்கள் ரத்து செய்யப்படுவதாக தெற்கு ரயில்வே அறிவித்துள்ளது.

சென்னை சென்ட்ரல்- மங்களூர் எக்ஸ்பிரஸ் ரயில்கள், சென்னை சென்ட்ரல்- திருவனந்தபுரம் எக்ஸ்பிரஸ் ரயில் ஆகிவையும் ரத்து செய்யப்படுவதாக தெற்கு ரயில்வே தெரிவித்துள்ளது. திருப்பதி சப்தகிரி , கோவை சதாப்தி எக்ஸ்பிரஸ், கோவை எக்ஸ்பிரஸ், பெங்களூர் டபுள் டக்கர், மைசூர் சதாப்தி, பெங்களூரு பிருந்தாவன் ஆகிய ரயில் சேவைகளும் ரத்து செய்யப்பட்டன.
முன்னதாக மிக்ஜாம் புயல் காரணமாக மொத்தம் 142 ரயில் சேவைகள் ரத்து செய்யப்பட்டிருந்தன.

சென்னை எழும்பூரில் இருந்து தென்மாவட்டங்களுக்கு செல்லும் 10 ரயில் சேவைகளும் ரத்து செய்யப்பட்டுள்ளன. மேலும் தென் மாவட்டங்களில் இருந்து சென்னை வரும் எக்ஸ்பிரஸ் ரயில்களும் ரத்து செய்யப்பட்டுள்ளன.

*நாகர்கோவில் - தாம்பரம் எக்ஸ்பிரஸ் (22658),
*மதுரை - சென்னை பாண்டியன் எக்ஸ்பிரஸ் (12638),
*செங்கோட்டை - சென்னை பொதிகை எக்ஸ்பிரஸ் (12662),
*நாகர்கோவில் - தாம்பரம் அந்தியோதயா எக்ஸ்பிரஸ் (20692),
*கொல்லம் - சென்னை அனந்தபுரி எக்ஸ்பிரஸ் (20636),
*கன்னியாகுமரி - சென்னை எக்ஸ்பிரஸ் (12634),
*செங்கோட்டை - தாம்பரம் எக்ஸ்பிரஸ் (20684),
*திருநெல்வேலி - சென்னை நெல்லை எக்ஸ்பிரஸ் (12632),
*தூத்துக்குடி - சென்னை முத்துநகர் எக்ஸ்பிரஸ் (12694),
*ராமேஸ்வரம் - சென்னை எக்ஸ்பிரஸ் (22662),
*ராமேஸ்வரம் - சென்னை எக்ஸ்பிரஸ் (16752),
*மதுரை - டெல்லி நிஜாமுதீன் எக்ஸ்பிரஸ் (12651),
*திருச்செந்தூர் - சென்னை செந்தூர் எக்ஸ்பிரஸ் (20606),
*குருவாயூர் - சென்னை எக்ஸ்பிரஸ் (16128)

ஆகிய ரயில்களும் ரத்து செய்யப்பட்டுள்ளன.

English summary

Southern Railway announced Cancellation of 11 Train Services