ஓட்டேரி ஏரி வெள்ளத்தில் மிதக்கும் வண்டலூர் உயிரியல் பூங்கா - 30 மரங்கள் விழுந்தன- விலங்குகள் கதி?

சென்னை: வண்டலூர் உயிரியல் பூங்காவுக்குள் ஓட்டேரி ஏரி வெள்ளம் பாய்ந்தோடுவதால் சுற்றுச் சுவர் கடுமையாக பாதிக்கப்பட்டுள்ளது. மேலும் மிக்ஜாம் பேய்மழையின் சூறாவளி ஆட்டத்தால் 30க்கும் மேற்பட்ட மரங்கள் வண்டலூர் உயிரியல் பூங்காவுக்குள் விழுந்துள்ளன. இந்த பேய்மழையால் விலங்குகளுக்கு ஏற்பட்ட பாதிப்புகள் விவரம் இன்னமும் தெரியவில்லை.

சென்னை மற்றும் புறநகரில் நேற்று இரவு தொடங்கிய மிக்ஜாம் புயலின் ருத்ரதாண்டவம் சற்று முன்னர் வரை நீடித்தபடியே இருந்தது. நேற்றும் இன்றுமாக சுமார் 40 செமீ மழை கொட்டித் தீர்த்துவிட்டு இப்போது மிக்ஜாம் புயல் ஆந்திராவுக்குள் நுழைந்துள்ளது. ஆந்திராவில் நெல்லூர்- மச்சிலிபட்டணம் இடையே நாளை முற்பகல் மிக்ஜாம் புயல் கரையைக் கடக்கிறது.

சென்னை புறநகரில் அனைத்து ஏரிகளும் நிரம்பி உபரி நீரானது குடியிருப்புகள், சாலைகளில் காட்டாற்று வெள்ளம் போல பாய்ந்தோடியது பொதுமக்களை அப்படியே உறையவைத்தது. சென்னை வண்டலூர் உயிரியப் பூங்காவானது ஓட்டேரி ஏரியின் ஒரு பகுதி. இந்த பெருமழையில் ஓட்டேரி ஏரி நிரம்பி வெள்ளம் பாய்ந்தோடுகிறது. இதில் வண்டலூர் உயிரியல் பூங்கா சுற்றுச் சுவரி பெரும்பகுதி சேதமடைந்துவிட்டது. மேலும் பூங்காவுக்குள் 30க்கும் மேற்பட்ட மரங்கள் விழுந்து முறிந்தன. இந்தப் பெருமழை பேய் வெள்ளத்தில் விலங்குகளுக்கு எத்தகைய பாதிப்புகள் என்பது குறித்த விவரங்கள் வெளியாகவில்லை.

English summary

Vandalur zoo compound walls damaged due to Cyclone Michaun Flood.