வளிமண்டல கீழடுக்கு சுழற்சி.. சென்னையில் 2 நாளைக்கு விட்டு விளாசப் போகுது மழை! வானிலை மையம் எச்சரிக்கை

சென்னை: வடக்கு தமிழகம் மற்றும் அதனை ஒட்டிய பகுதிகளின் மேல் ஒரு வளிமண்டல கீழடுக்கு சுழற்சி நிலவுவதால் தமிழகத்தில் 16 ஆம் தேதி வரை மழைக்கு வாய்ப்பு உள்ளது. சென்னையில் அடுத்த இரண்டு நாட்களுக்கு மழைக்கு வாய்ப்பு உள்ளது என்றும் வானிலை ஆய்வு மையம் தெரிவித்துள்ளது.

தமிழகத்தை பொறுத்தவரை கடந்த சில நாட்களாக வெயிலின் தாக்கம் ஒரு புறம் அதிகரிக்க மழையும் ஒருபுறம் பெய்து வருகிறது. நேற்றும் தமிழகத்தில் பல்வேறு இடங்களில் மழை பெய்த நிலையில் இன்று சென்னை மற்றும் தமிழகத்தின் மேற்கு தொடர்ச்சி மலைப் பகுதிகளில் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது. இது தொடர்பாக வானிலை அறிவிப்பில் கூறப்பட்டிருப்பதாவது:-

வளிமண்டல கீழடுக்கு சுழற்சி

ஒடிசாவின் உட்பகுதிகள் முதல் மன்னார் வளைகுடா வரை தெற்கு சத்தீஸ்கர், தெலங்கானா, ராயலசீமா, உள் தமிழகம் வழியாக சுமார் 0.9 கிமீ உயரத்தில், ஒரு வளிமண்டல காற்றழுத்த தாழ்வு பாதை (Trough) நிலவுகிறது. இதேபோல் வடக்கு தமிழகம் மற்றும் அதனை ஒட்டிய பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது.

இதனால், 10-04-2026: மேற்கு தொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசான மழை பெய்யக்கூடும்.

16 ஆம் தேதி வரை மழைக்கு சான்ஸ்

11-04-2026: மேற்கு தொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். ஏனைய தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும். 12-04-2026: தென் தமிழகம், மேற்கு தொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் லேசான மழை பெய்யக்கூடும். ஏனைய தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.

13-04-2026 மற்றும் 14-04-2026: மேற்கு தொடர்ச்சி மலை மாவட்டங்கள் மற்றும் டெல்டா மாவட்டங்களில் ஓரிரு இடங்களிலும், காரைக்கால் பகுதிகளிலும் லேசான மழை பெய்யக்கூடும். ஏனைய தமிழகம் மற்றும் புதுவையில் வறண்ட வானிலை நிலவக்கூடும். 15-04-2026 மற்றும் 16-04-2026: மேற்கு தொடர்ச்சி மலை மாவட்டங்களில் ஓரிரு இடங்களில் லேசான மழை பெய்யக்கூடும். ஏனைய தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.

வெப்பநிலை பற்றிய முன்னறிவிப்பு

10-04-2026 முதல் 14-04-2026 வரை: தமிழகம், புதுவை அதிகபட்ச வெப்பநிலை ஓரிரு இடங்களில் 2-3° செல்சியஸ் வரை படிப்படியாக உயரக்கூடும். ஒரிரு இடங்களில் 2-3° செல்சியஸ் இயல்பை விட அதிகமாகவும், ஏனைய தமிழகம், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.

சென்னையில் இன்றும், நாளையும்

சென்னையில் இன்று (10-04-2026) மற்றும் நாளை (11-04-2026): வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகபட்ச வெப்பநிலை 37-38" செல்சியஸை ஒட்டியும், குறைந்தபட்ச வெப்பநிலை 28° செல்சியஸை ஒட்டியும் இருக்கக்கூடும்.

பதிவான மழை அளவு(செமீ):

* பாரூர் (கிருஷ்ணகிரி), பாலக்கோடு (தர்மபுரி), பாலக்கோடு ARG (தர்மபுரி), பிளவக்கல் பெரியாறு அணை (விருதுநகர்) தலா 3,
* கெலவரப்பள்ளி அணைக்கட்டு (கிருஷ்ணகிரி), மேட்டூர் AWS (சேலம்), எடப்பாடி (சேலம்), மேட்டூர் (சேலம்), சேர சேரன்மகாதேவி (திருநெல்வேலி), பெரியகுளம் (தேனி), அம்மாபேட்டை (ஈரோடு), நெடுங்கல் (கிருஷ்ணகிரி), மஞ்சளாறு (தேனி) தலா 2,
* பெரியகுளம் PTO (தேனி), ஆண்டிப்பட்டி ARG (தேனி), ஒசூர் (கிருஷ்ணகிரி), பாப்பிரெட்டிப்பட்டி (தர்மபுரி), தேக்கடி (தேனி), ஒட்டன்சத்திரம் (திண்டுக்கல்), கொடைக்கானல் (திண்டுக்கல்), கிருஷ்ணகிரி (கிருஷ்ணகிரி), மாஞ்சோலை (திருநெல்வேலி), ஒகேனக்கல் (தர்மபுரி), கே ஆர் பி அணை (கிருஷ்ணகிரி), பையூர் AWS (கிருஷ்ணகிரி), தளி (கிருஷ்ணகிரி), ஊத்து (திருநெல்வேலி), ஒசூர் AWS (கிருஷ்ணகிரி), ஆண்டிபட்டி (தேனி), கேத்தி (நீலகிரி), காக்காச்சி (திருநெல்வேலி) தலா 1 செமீ மழை பெய்துள்ளது.

English summary

A low level atmospheric circulation over north Tamil Nadu is expected to bring rainfall across the state until April 16. India Meteorological Department has forecast rain in Chennai for the next two days, issuing a cautionary alert.