இன்னும் 5-6 நாள் மழை விடாது.. சென்னை உள்பட 4 மாவட்ட மக்களுக்கு ஹேப்பி நியூஸ் - தமிழ்நாடு வெதர்மேன்

சென்னை: சென்னையில் இரவு முதல் அதிகாலை வரை பல இடங்களில் கனமழை பெய்துள்ளது. இந்நிலையில் தான் சென்னை, காஞ்சிபுரம், திருவள்ளூர், செங்கல்பட்டு மாவட்டங்களில் அடுத்த 5-6 நாட்கள் இரவில் மழை பெய்யும். காலையில் குளிர்ந்த சூழல் நிலவும் என்று தமிழ்நாடு வெதர்மேன் பிரதீப் ஜான் தெரிவித்துள்ளார்.

தமிழகத்தில் தற்போது சில மாவட்டங்களில் மழை பெய்து வருகிறது. சில மாவட்டங்களில் வெயிலும் அடித்து வருகிறது. வடதமிழக மாட்டங்களில் ஒரு சில இடங்களிலும், தென்தமிழகத்தில் ஓரிரு இடங்களிலும் மழை பெய்துள்ளது.

தலைநகர் சென்னையை எடுத்து கொண்டால் இரவில் நல்ல மழை பெய்து வருகிறது. நேற்று முன்தினம் இரவில் நகரின் பல இடங்களில் கனமழை பெய்தது. அதேபோல் நேற்று இரவிலும் சென்னையில் விடிய விடிய கொட்டித் தீர்த்த கனமழை கொட்டி தீர்த்தது. அதிகாலை வரை இந்த மழை பெய்தது.

சென்னை ராயப்பேட்டை, நுங்கம்பாக்கம் உள்பட அதனை சுற்றிய இடங்களில் மழை பெய்தது. அதேபோல் சென்னை புறநகர், காஞ்சிபுரம், செங்கல்பட்டு, திருவள்ளூர் மாவட்டங்களில் சில இடங்களில் இரவு முதல் அதிகாலை வரை மழை பெய்தது. இதனால் சென்னையில் வெயில் முற்றிலுமாக தணிந்து குளிர்ச்சியான சூழல் நிலவி வருகிறது. இரவில் மழை பெய்வதால் காலையில் குளிர்ச்சியான வானிலை நிலவுகிறது. பிறகு மதியத்துக்கு மேல் மாலையில் வெயில் அடிக்கிறது.

இதற்கிடையே தான் சென்னை, காஞ்சிபுரம், திருவள்ளூர், செங்கல்பட்டு மாவட்டங்களில் அடுத்த 5- 6 நாட்கள் இரவில் மழை பெய்யும் என்று தமிழ்நாடு வெதர்மேன் பிரதீப் ஜான் கணித்துள்ளார். இவர் தனியார் வானிலை ஆர்வலர் ஆவார். இதுதொடர்பாக தமிழ்நாடு வெதர்மேன் பிரதீப் ஜான் தனது எக்ஸ் பக்கத்தில் முக்கிய விஷயத்தை கூறியுள்ளார். அந்த பதிவில் பிரதீப் ஜான் கூறியுள்ளதாவது:

‛‛அடுத்த 5-6 நாட்கள் காஞ்சிபுரம், திருவள்ளூர், சென்னை, செங்கல்பட்டு மாவட்டங்களில் இப்படிதான் இருக்கும். டமால் டூமிலுடன் இரவில் மழை பெய்யும். காலையில் குளிர்ந்த சூழல் நிலவும். மலை நேரத்தில் வெயில் அடிக்கும். ரிப்பீட்டாக இது நடக்கும். மழை குறித்த எனது பதிவை கூட பார்க்க வேண்டாம். மொத்த சென்னையுமே மழையால் மூடப்படும். செப்டம்பர் புயல்கள் மெதுவாக நகரும் நிலையில் ஒரு மணிநேரத்துக்கு உள்ளாக 50 முதல் 70 மில்லி மீட்டர் மழை பெய்ய வாய்ப்புள்ளது'' என்று கூறியுள்ளார்.

English summary

Chennai has received heavy rains from night to early morning in many places. In this situation, Chennai, Kanchipuram, Tiruvallur, and Chengalpattu districts will receive rains at night for the next 5-6 days. Tamil Nadu Weatherman Pradeep John has said that cold conditions will prevail in the morning.