மிக கனமழைக்கான ஆரஞ்சு அலர்ட்: நீலகிரியில் இன்று 4 வட்டங்களில் பள்ளிகள் விடுமுறை..ஆட்சியர் அறிவிப்பு

Updated: Monday, June 16, 2025, 7:29 [IST]

Subscribe to Oneindia Tamil

சென்னை: தமிழகத்தில் இன்று நீலகிரி மாவட்டத்தில் மிக கனமழைக்கு வாய்ப்பு உள்ளதாக வானிலை மையம் கூறியுள்ள நிலையில், நீலகிரியில் 4 வட்டங்களில் உள்ள பள்ளிகளுக்கு மட்டும் இன்று விடுமுறை அறிவித்து மாவட்ட ஆட்சியர் லட்சுமி பவ்யா தண்ணீரு அறிவித்துள்ளார். நேற்றும் நீலகிரியில் பல்வேறு இடங்களில் கனமழை கொட்டி தீர்த்தது. இதனால் முன்னெச்சரிகை நடவடிக்கையாக பள்ளிகளுக்கு விடுமுறை அறிவிக்கப்பட்டுள்ளது.

தமிழகத்தில் கடந்த சில நாட்களாக மழை கொட்டி வருகிறது. குறிப்பாக மேற்கு தொடர்ச்சி மலைப் பகுதியினை ஒட்டியுள்ள மாவட்டங்களில் கனமழை வெளுத்து வாங்கி வருகிறது. இதில் நேற்று முன் தினம், நேற்று பல்வேறு இடங்களில் கனமழை வெளுத்து வாங்கியது. நேற்று ஒரு நாளில் மட்டும் நீலகிரி மாவட்டம் அவலாஞ்சியில் 14 செமீ மழை பதிவாகியது.

மிக கனமழை எச்சரிக்கை

இதேபோல் நீலகிரியின் பல்வேறு பகுதிகளிலும் கனமழை கொட்டியுள்ளது. நேற்று இரவும் கனமழை தொடர்ந்து பெய்து வந்தது. இந்த நிலையில் இன்றும் நீலகிரி மாவட்டத்தில் கன முதல் மிக கனமழைக்கு வாய்ப்பு உள்ளதாக ஆரஞ்சு நிற எச்சரிக்கையினை வானிலை மையம் விடுத்துள்ளது. இதனால் நீலகிரி மாவட்டத்தில் பல்வேறு முன்னெச்சரிக்கை நடவடிக்கைகள் செய்யப்பட்டுள்ளன.

அந்த வகையில் மாணவர்களின் பாதுகாப்பை கருதி, நீலகிரி மாவட்டத்தில் உள்ள 4 தாலுகாக்களில் உள்ள பள்ளிகளுக்கு மட்டும் விடுமுறை அறிவிக்கப்பட்டுள்ளது. இது தொடர்பாக மாவட்ட ஆட்சியர் லட்சுமி பவ்யா தண்ணீரு வெளியிட்டுள்ள அறிவிப்பில், நீலகிரி மாவட்டத்தில் இன்று மிக கனமழைக்கான ஆரஞ்சு நிற எச்சரிக்கை விடப்பட்டுள்ளது. இதனால் முன்னெச்செரிக்கை நடவடிக்கையாக 4 தாலுகாக்களில் உள்ள பள்ளிகளுக்கு மட்டும் விடுமுறை விடப்படுகிறது.

4 தாலுகாக்கள்

நீலகிரி மாவட்டத்தில் உள்ள உதகை, குந்தா, பந்தலூர், கூடலூர் வட்டங்களில் உள்ள பள்ளிகளுக்கு இன்று விடுமுறை விடப்படுகிறது" என்று கூறியுள்ளார். இன்று நீலகிரி மாவட்டத்தில் மிக கனமழைக்கான ஆரஞ்சு அலர்ட்டும், கோவை, திருப்பூர், திண்டுக்கல், தேனி மற்றும் தென்காசியில் இன்று கனமழை பெய்ய கூடும் என்று வானிலை மையம் எச்சரிக்கை விடுத்து இருந்தது.

மழை அளவு:

* அவலாஞ்சி (நீலகிரி) 14,
* சின்னக்கல்லார் (கோயம்புத்தூர்) 13,
* உபாசி TRF AWS (கோயம்புத்தூர்) 9.
* தாலுகா அலுவலகம் பந்தலூர் (நீலகிரி), சின்கோனா (கோயம்புத்தூர்), விண்ட் வொர்த் எஸ்டேட் (நீலகிரி), வால்பாறை PTD (கோயம்புத்தூர்) தலா 8.

* மேல் பவானி (நீலகிரி), சோலையார் (கோயம்புத்தூர்), தேவாலா (நீலகிரி), வால்பாறை PAP (கோயம்புத்தூர்), வால்பாறை தாலுகா அலுவலகம் (கோயம்புத்தூர்) தலா 7.
* நெய்வாசல் தென்பாதி (தஞ்சாவூர்), பார்வூட் (நீலகிரி), கன்னியாகுமரி (கன்னியாகுமரி). நெய்யூர் AWS (கன்னியாகுமரி), கோழிப்போர்விளை (கன்னியாகுமரி), முள்ளங்கினாவிளை (கன்னியாகுமரி) தலா 4,

* திருவாரூர் (திருவாரூர்), குழித்துறை (கன்னியாகுமரி). தர்மபுரி PTO (தர்மபுரி), சீர்காழி (மயிலாடுதுறை). நன்னிலம் (திருவாரூர்). செருமுள்ளி (நீலகிரி), திற்பரப்பு (கன்னியாகுமரி). பேச்சிப்பாறை (கன்னியாகுமரி), சிறுவாணி அடிவாரம் (கோயம்புத்தூர்), ஆட் பிரையர் எஸ்டேட் (நீலகிரி), நாலுமுக்கு (திருநெல்வேலி), தக்கலை (கன்னியாகுமரி). மாம்பழத்துறையாறு (கன்னியாகுமரி), அடையாமடை (கன்னியாகுமரி). வேளாங்கண்ணி (நாகப்பட்டினம்), அணைகெடங்கு (கன்னியாகுமரி), ஊத்து (திருநெல்வேலி), பேச்சிப்பாறை AWS (கன்னியாகுமரி) தலா 3 செமீ மழை பெய்துள்ளது.