அடுத்த 1 மணி நேரம்.. சுட்டெரிக்கும் வெயிலுக்கு மத்தியில் வெளுக்க போகுது மழை.. 6 மாவட்டங்கள் டார்கெட்

சென்னை: தமிழகத்தில் இன்று ஒரு சில இடங்களில் மழைக்கு வாய்ப்பு உள்ளதாகவும், ஒருசில இடங்களில் வெயில் சுட்டெரிக்கும் என்றும் வானிலை மையம் கூறிய நிலையில், அடுத்த ஒரு மணி நேரத்தில் தென்காசி, தேனி, குமரி, நெல்லை உள்பட 6 மாவட்டங்களில் மழை பெய்ய வாய்ப்பு இருப்பதாக வானிலை மையம் கூறியுள்ளது.

தமிழகத்தில் நேற்று பல்வேறு இடங்களில் வெயில் சுட்டெரித்தது. காலையில் இருந்து மாலை வரை சுட்டெரித்த வெயிலால் மக்கள் தவிப்புக்கு உள்ளாகினர். எனினும் ஒருசில இடங்களில் லேசானது முதல் மிதமான மழை பெய்தது. கோவை, நீலகிரி, தென்காசி, கடலூர், விருதாச்சலம் பகுதியில் ஒருசில இடங்களில் லேசானது முதல் மிதமான மழை பெய்தது.

10 மணி வரை

நேற்று இரவும் தமிழகத்தில் பல்வேறு இடங்களில் மழை பெய்தது. சென்னையை பொறுத்தவரை மழை பெய்ய வாய்ப்பு இருப்பதாக வானிலை மையம் கூறி இருந்தாலும், வெயிலே அடித்தது. இன்று காலையிலேயே வெயில் சுட்டெரித்து வருகிறது. தமிழகத்தின் பெரும்பாலான மாவட்டங்களில் இன்று வெயில் சுட்டெரித்து வருகிறது. இதற்கிடையே சென்னை வானிலை மையம் அடுத்த ஒரு மணி நேரத்தில் 6 மாவட்டங்களில் மழைக்கு வாய்ப்பு இருப்பதாக கூறியுள்ளது.

வானிலை மையம் கூறியிருப்பதாவது:- தமிழகத்தில் அடுத்த ஒரு மணி நேரத்தில் அதாவது இன்று காலை 10 மணி வரை, நெல்லை மற்றும் கோவை மாவட்டங்களில் மேற்கு தொடர்ச்சி மலைப்பகுதியை ஒட்டிய இடங்கள், தென்காசி, குமரி, நீலகிரி, தேனி ஆகிய 6 மாவட்டங்களில் லேசானது முதல் மிதமான மழைக்கு வாய்ப்பு உள்ளது. இவ்வாறு அதில் கூறப்பட்டுள்ளது.

5 ஆம் தேதி வரை

முன்னதாக வானிலை மையம் வெளியிட்ட அறிவிப்பில், மேற்கு திசை காற்றின் வேக மாறுபாடு காரணமாக, இன்று முதல் ஜூலை 2ம் தேதி வரை தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

ஜூலை 3 மற்றும் ஜூலை.4ம் தேதிகளில் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். ஜூலை.5 மற்றும் 6ம் தேதிகளில் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளை பொறுத்தவரை இன்று (01-07-2025): வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 37-38° செல்சியஸை ஒட்டியும், குறைந்தபட்ச வெப்பநிலை 28-29* செல்சியஸை ஒட்டியும் இருக்கக்கூடும்.

வெயில் எப்படி?

அதிகபட்ச வெப்பநிலை மாறுதலின் போக்கை பொறுத்தவரை இன்று தொடங்கி ஜூலை.2ம் தேதி வரை தமிழகத்தில் அதிகபட்ச வெப்பநிலையில் பெரிய மாற்றதிற்கான வாய்ப்பு குறைவு. எனினும், ஒருசில இடங்களில் சற்று உயரக்கூடும். இன்று தொடங்கி ஜூலை.2ம் தேதி வரை தமிழகம், புதுவை மற்றும் காரைக்கால் பகுதிகளில் ஒருசில இடங்களில் அதிகபட்ச வெப்பநிலை 2-3° செல்சியஸ் இயல்பை விட அதிகமாக இருக்கக்கூடும்.

இந்த தேதிகளில் அதிக வெப்பநிலையும், அதிக ஈரப்பதமும், குறைந்தபட்ச வெப்பநிலை ஓரிரு இடங்களில் இயல்பை விட 2 3" செல்சியஸ் அதிகமாகவும் இருக்கும் நிலையில், தமிழகத்தில் ஓரிரு பகுதிகளில் அசௌகரியம் ஏற்படலாம்.

English summary

While the Meteorological Department has said that there is a possibility of rain in a few places in Tamil Nadu today and that there will be scorching heat in a few places, the Meteorological Department has said that there is a possibility of rain in 6 districts including Tenkasi, Theni, Kumari and Nellai in the next hour.