இன்னல் தீர்க்கும் 'குயிக் சார்ஜர்'!

மதுரை: மனிதனுக்கு இன்று அத்தியாவசிய தேவைகளான உணவு, காற்று, நீர், உடை ஆகியவைகளுக்கு அடுத்தபடியாக செல்போன் முக்கியத்துவம் பெற்றுவிட்டது.

நீண்ட தூர பயணம் பஸ்சில் அல்லது ரயிலில் மேற்கொள்ளும் போது செல்போனை சார்ஜர் செய்ய இயலாத நிலை உள்ளது.

இதற்கு ஒரு தீர்வு கிடைத்து விட்டது. அது தான் 'குயிக் சார்ஜர்'.

டார்ச் லைட் வடிவத்தில் உள்ள குயிக் சார்ஜர் மூலம் நோக்கியா, சாம்சங், ரிலையன்ஸ், வெர்ஜின் மொபைல், மோட்டோராலோ, எல்ஜி போன்ற எந்த செல்போனையும் சார்ஜ் செய்து கொள்ளும் வசதி உள்ளது.

குயிக் சார்ஜர் சிறிய ரக பேட்டரி செல்லால் இயங்குகிறது. அதிலிருந்து செல்போன்களை சார்ஜ் செய்து கொள்ளலாம்.

தமிழகத்தில் முக்கிய கடைகள், வணிக வளாகங்கள் உள்ளிட்ட இடங்களில் இந்த குயிக் சார்ஜர் கிடைக்க ஆரம்பித்துள்ளது. இதன் விலை குறைந்தது ரூ.150 முதல் அதிகபட்சம் ரூ.1.000 வரை உள்ளது.

டார்ச் லைட் போன்ற வடிவத்தில் உள்ள சார்ஜர் கைக்கு அடக்கமாக உள்ளது குறிப்பிடத்தக்கது.