மாதா அமிர்தானந்த மயி்க்கு அமெரிக்காவில் டாக்டர் பட்டம்

கோவை: கல்வி, மனிதநேய சேவையை பாராட்டி, மாதா அமிர்தானந்த மயிக்கு அமெரிக்க பல்கலைக்கழகம் டாக்டர் பட்டம் வழங்க உள்ளது.

கேரள மாநிலம், கொல்லம் மாவட்டத்தில் ஏழை மீனவ குடும்பத்தில் பிறந்த மாதா அமிர்தானந்த மயி, பல்வேறு நாடுகளில் கல்வி மற்றும் சமுதாய மேம்பாடு பணிகளில் ஈடுபட்டு வருகிறார்.

இவரது மனிதநேய பண்பை பாராட்டி நியூயார்க் ஸ்டேட் யூனிவர்சிட்டி டாக்டர் பட்டம் வழங்க முடிவு செய்துள்ளது.

கொச்சியில் உள்ள மாதா அமிர்தானந்த மயி பல்கலைக்கழக துணைவேந்தர் வெங்கட்ரங்கம், இணைவேந்தர் பிரம்மச்சாரி அபயாமிர்த சைதன்யா ஆகியோர் இத்தகவலை தெரிவித்தனர்.

இதுபற்றி அவர்கள் மேலும் தெரிவிக்கையில், 'அமெரிக்காவின் நியூயார்க் ஸ்டேட் யூனிவர்சிட்டி, 164 ஆண்டு பழமை வாய்ந்தது.
இப்பல்கலைக் கழகம் சார்பில், மே 25ம் தேதி அமெரிக்காவில் அமிர்தானந்த மயிக்கு டாக்டர் பட்டம் வழங்கப்பட உள்ளது.

மாதாவின் மனிதநேய பண்பை பாராட்டி, நியூயார்க் ஸ்டேட் யூனிவர்சிட்டி, டாக்டர் பட்டம் வழங்க முடிவு செய்துள்ளது.

இதற்கு முன்பு இந்த விருதை, தலாய் லாமா பெற்றுள்ளார். இந்த விருது பெறும் முதல் இந்தியர் அமிர்தானந்த மயி தான்' என்றனர்.