நவ. 14-ல் பள்ளி மாணவர்களுக்கு ஓவியப்போட்டி, மாறுவேடப்போட்டி: மைலாப்பூர் பள்ளியில் நடக்கிறது

சென்னை: சமூக சேவகி சரோஜினி வரதப்பனை தலைவராகக் கொண்டு மைலாப்பூர் அகடமி செயல்பட்டு வருகிறது. அந்த அகடமியின் கவுரவ செயலாளர் வீரராகவன் வெளியிட்டுள்ள அறிக்கையில் கூறியிருப்பதாவது,

நேரு பிறந்தநாள், குழந்தைகள் தினம் ஆகியவற்றை ஒருங்கிணைத்து கொண்டாடும் விதத்தில் பள்ளிக்கூட மாணவ-மாணவிகளுக்கு ஓவியப்போட்டி, மாறுவேடப் போட்டி ஆகியவை நவம்பர் 14-ம் தேதி நடத்தப்பட உள்ளது.

மைலாப்பூரில் உள்ள பி.எஸ்.மேல்நிலைப் பள்ளியில் நடக்கும் இந்தப் போட்டிகள் 14-ம் தேதி காலை 9 மணிக்கு தொடங்குகிறது. இதில் வயது வரம்பு இன்றி அனைத்து வயது மாணவர்களும் கலந்து கொள்ளலாம்.

இது குறித்த விவரங்களுக்கு ராஜா அண்ணாமலைபுரம் சிருங்கேரி மடம் ரோட்டில் உள்ள மைலாப்பூர் அகடமியின் கவுரவ செயலாளர்களை அணுகலாம். இவ்வாறு அந்த அறிக்கையில் குறிப்பிடப்பட்டுள்ளது.