சென்னையில் சூப்பர் கிங்ஸ் அணியின் சூப்பர் சாப்பாட்டு மெனு!
சென்னை: சேப்பாக்கத்தில் நடைபெறும் ஐபிஎல் கிரிக்கெட் போட்டிகளுக்காக வந்துள்ள சென்னை சூப்பர் கிங்ஸ் அணிக்கு வரும் ஞாயிற்றுக்கிழமை முதல் ஷெரட்டன் பார்க் ஹோட்டலில் உள்ள கப்புசினோ காஃபி ஷாப்பில் தான் உணவு ஐட்டங்கள் சப்ளையாக உள்ளன.
சென்னை சூப்பர் கிங்ஸ் அணியில் இடம் பெற்றுள்ள சர்வதேச வீரர்கள் ஒவ்வொரும் தங்கள் விரும்பமான உணவுகளை தெரிவித்திருப்பதால், கிளப் சாண்ட்விச் முதல் வீச்சு புரோட்டா வரை உலகளாவிய உணவு வகைகள் தயாரிக்கப்பட உள்ளன.
சென்னை கிங்ஸ் வீரர்கள் தங்களின் பிடித்தமான ஐட்டங்கள் குறித்து 'செப்' பர்வீன் ஆனந்திடம் கூறியுள்ளனர்.
கேப்டன் தோனிக்கு பட்டர் சற்று தூக்கலாக பட்டர் சிக்கன், மாத்யூ ஹெய்டனுக்கு கல் தோசையுடன் பிரான் கறி விருப்பமாம்.
முரளிதரனுக்கு சாபா புலுசு எனப்படும் மீன் உணவு, சுரேஷ் ரெய்னாவுக்கு சிக்கன் சாண்ட்விச்சும் தேவையாம்.
அல்பி மார்க்கெல்லுக்கு கிளம் சாண்ட்விச் மற்றும் பனானா மில்க்ஷேக், பாலாஜிக்கு பெப்பர் சிக்கன் கிரேவியுடன் வீச்சு புரோட்டா சாப்பிட ஆசை.
ஆனால் பார்திவ் பட்டேலுக்கு வேக வைத்த சாதத்துடன் பருப்பு மற்றும் ஜீரா ஆலு என்ற சைவ உணவு தான் விருப்பம் என தெரிவித்துள்ளார்.
மேலும் ஜொகிந்தர் ஷர்மாவுக்கு கொண்டை கடலையுடன் பாதுராவும், சுப்ரமணியம் பத்ரிநாத்துக்கு மட்டன் பிரியாணியும் தயாரித்து தர பார்க் ஷெரட்டன் தயாராகி வருகிறது.