கூடன்குளத்தில் ரஷ்ய விஞ்ஞானிகள் பொதுமக்களுடன் பொங்கலிட்டு கொண்டாட்டம்

ராதாபுரம்: கூடன்குளத்தில் ரஷ்ய விஞ்ஞானிகள் உள்ளூர் மக்களுடன் சேர்ந்து பொங்கல் விழா கொண்டாடினர்.

நெல்லை மாவட்டம் கூடன்குளத்தில் அணு உலைகள் அமைக்கும் பணி கடந்த சில ஆண்டுகளாக நடைபெற்று வருகின்றது. அணு உலைகள் அமைக்கும் பணியில் ரஷ்ய விஞ்ஞானிகள் இங்கு குடும்பத்துடன் தங்கி பணிபுரிந்து வருகின்றனர்.

தமிழர்களின் பாரம்பரிய விழாவான பொங்கல் விழாவையொட்டி ராதாபுரம் சட்டமன்ற உறுப்பினர் அப்பாவு ஏற்பாட்டில் முத்து வேளர், அஞ்சுகத்தம்மாள் அறக்கட்டளை சார்பில் ராதாபுரம் பேருந்து நிலைய வளாகத்தில் ரஷ்ய விஞ்ஞானிகள், பொதுமக்கள் கலந்து கொண்டு பொங்கலிடும் விழா நடைபெற்றது.

இதில் விஞ்ஞானிகள் கலந்து கொண்டு பொதுமக்களுடன் சேர்ந்து பொங்கலிட்டு பொங்கல் விருந்து சாப்பிட்டு மகிழ்ந்தனர். முன்னதாக அப்பாவு எம்எல்ஏ தலைமையில் விஞ்ஞானிகளுக்கு கரகாட்டத்துடன் கூடிய மேளதாள வரவேற்பு அளிக்கப்பட்டது.

English summary

Many Russian scientists are working in the Koodankulam nuclear power plant. They are living there with their families. These scientists celebrated pongal with the local people.