துபாயில் ரசமாயி அமைப்பின் இந்திய சுதந்திர தின கொண்டாட்டம்

துபாய்: துபாயில் ரசமாயி எனும் தெலுங்கு கலாச்சார அமைப்பு இந்திய சுதந்திர தினம் மற்றும் இஃப்தார் நிகழ்ச்சியினை கடந்த 15-ம் தேதி மாலை இந்தியா கிளப்பில் நடத்தியது.

இந்த நிகழ்ச்சியின் துவக்கமாக கதீஜா பானு, ஆயிஷா பானு, நவீத் மற்றும் நதா ஆகியோர் இறைவசனங்களை ஓதினர். ரசமாயி பொதுச் செயலாளர் மனோஹர் வரவேற்புரையாற்றினார்.

இதைத் தொடர்ந்து ரசமாயி குழுவினர் தேச பக்திப் பாடலை பாடினர். துணைத்தலைவர் உமா ராணி பத்மநாபன் சிறப்புப் பேச்சாளரை அறிமுகப்படுத்தி வைத்தார்.

சையத் அஃபாக் ஹாஷிமி திருக்குர்ஆனும், நவீன அறிவியலும் எனும் தலைப்பில் சிறப்புச் சொற்பொழிவு நிகழ்த்தினார். இணைச் செயலாளர் கேசரி திருமூர்த்தி நன்றி கூறினார். இந்த நிகழ்ச்சிக்கான ஏற்பாடுகளை ஜாபர் அலி, டாக்டர் பர்வீன் பானு உள்ளிட்டோர் செய்திருந்தனர்.

English summary

Rasamayi cultural forum has celebrated Indian Independence Day in Dubai on august 15. It has given iftar party on the same day in Indian club. The Rasamayi members have sung the Indian national anthem.