ஆடிதபசு- சங்கரன்கோவில் சங்கரநாராயணசாமி கோவிலில் இன்று தேரோட்டம்

சங்கரன்கோவில்: சங்கரன்கோவில் சங்கரநாராயணசாமி கோவிலில் ஆடிதபசு விழாவின் முக்கிய நிகழ்வான தேரோட்டம் இன்று நடக்கிறது.

சங்கரன்கோவில் சங்கரநாரயணசாமி கோவி்ல் ஆடிதபசு திருவிழா கடந்த 1-ம் தேதி துவங்கி கோலாகலமாக நடந்து வருகிறது.7-ம் நாள் விழாவான நேற்று முன்தினம் காலையில் அம்பாள் கோசம்ரசனை அலங்காரத்தில் ரத வீதியுலா நடந்தது.மாலை வெள்ளி சப்பரத்தில் அம்பாள் 7-ம் திருநாள் 36 கிராம சேனைத்தலைவர் மண்டகப்படி கட்டிடத்தில் எழுந்தருளினார்.அங்கு அம்பாளுக்கு சிறப்பு அலங்காரம்,அபிஷேகம், தீபாராதனைகள் செய்யப்பட்டன.

தொடர்ந்து இரவு மண்டகப்படி கட்டிடத்தில் இருந்து அம்பாள் மலர்களால் அலங்கரிகப்பட்ட பூப்பல்லக்கி்ல் எழுந்தருளி ரதவீதி உலாவாக கோவிலுக்கு சென்றார். விழாவின் 8-ம் நாளான நேற்று காலை கோவிலில் இருந்து அம்பாள் வீணாகானம செய்தல் அலங்காரத்தி்ல் சப்பரத்தில் எழுந்தருளி ரத வீதியுலா நடைபெற்றது.

இதில் ஆயிரக்கணக்கான பக்தர்கள் கலந்து கொண்டு அம்பாளை தரிசனம் செய்தனர்.9-ம் நாளான இன்று தேரோட்டம் நடக்கிறது.இதை முன்னி்ட்டு அதிகாலை 5மணிக்கு மேல் கோவிலில் இருந்து அம்பாள் தேரில் எழுந்தருளினார்ர்.காலை 9 மணிக்கு மேல் தேரோட்டம் நடைபெறுகிறது.

English summary

Aadi thabasu festival is going on in Sankarankovil Sankara Narayana Swamy temple from august 1. The important part of the festival namely car festival is held today.