நினைவிருக்கிறதா அன்பே?

இடியும் மின்னலுமாய் பெய்த
கோடை மழையில்
இருவரும் இணைந்து நடந்தோமே
நினைவிருக்கிறதா அன்பே !

சாலையில் விழுந்த
ஆலங்கட்டிகளை சேகரித்து
உன் சட்டைப்பையில் வைத்தேனே
நினைவிருக்கிறதா அன்பே !

சொட்ட சொட்ட நனைந்த உடையால்
நான் குளிரில் நடுங்க
விரலுக்குள் வெப்பம் பாய்ச்சி
என் கரம் கோர்த்தாயே
நினைவிருக்கிறதா அன்பே !

பேருந்து நிழற்குடையில்
பேசாமல் பேசினோமே
ஒரு கோப்பை தேநீரை
இருவருமே பருகினோமே…
நினைவிருக்கிறதா அன்பே !

ஒவ்வொரு கோடையிலும்
இடியும் மின்னலுமாய்
ஆலங்கட்டி மழை பெய்கிறது…..

ஆனால்….

சேர்ந்து நனையத்தான்
நீயில்லை அன்பே !

English summary

Summer rain and Christmas tears,Holiday addiction and fear,Throw away love and golden years Take the time, you might miss your life,I think I've missed mine,So tell me, did you get my calls Did you hear the ring,Come to my showcase brawl,Just to hear me sing.