ராஜீவ் காந்தி நினைவு தினம்: இன்று ஸ்ரீபெரும்புதூர் வந்தடையும் ராஜீவ் ஜோதி யாத்திரை

கன்னியாகுமரி: முன்னாள் பிரதமர் ராஜீவ் காந்தி நினைவாக கர்நாடக மாநில தொழிலாளர் காங்கிரஸ் சார்பில் பொங்களூரில் இருந்து புறப்பட்ட ராஜீவ் ஜோதி யாத்திரை இன்று ஸ்ரீபெரும்புதூரை அடைகிறது.

கடந்த 1991-ம் ஆண்டு மே மாதம் 21-ம் தேதி சென்னை ஸ்ரீபெரும்புதூரில் நடந்த பொதுக் கூட்டத்தில் முன்னாள் பிரதமர் ராஜீவ் காந்தி தற்கொலைப் படையினரால் கொல்லப்பட்டார். நாளை (21-ம் தேதி) அவர் மறைந்து 20 ஆண்டுகள் நிறைவடைகிறது.

முன்னாள் பிரதமர் ராஜீவ் காந்தி நினைவாக ஒவ்வொரு ஆண்டும் கர்நாடக மாநில தொழிலாளர் காங்கிரஸ் சார்பில் பொங்களூரில் இருந்து ஸ்ரீபெரும்புதூருக்கு ராஜீவ் ஜோதி யாத்திரை நடத்துவது வழக்கம்.

ராஜீவ் காந்தியின் 20-வது நினைவு தினத்தை முன்னிட்டு இந்த ஆண்டு ராஜீவ் ஜோதி யாத்திரை பெங்களூரில் இருந்து கடந்த 15-ம் தேதி தொடங்கியது.

இந்த யாத்திரை மைசூர், கோவை, பாலக்காடு, திருச்சூர், ஆலுவாய், ஆலப்புழா, கொல்லம், திருவனந்தபுரம், நாகர்கோவில், கன்னியாகுமரி, நெல்லை, கோவில்பட்டி, சாத்தூர், விருதுநகர், மதுரை, திருச்சி, உளுந்தூர்பேட்டை, விழுப்புரம், மகாபலிபுரம், சென்னை வழியாக சென்று 21-ம் தேதி ஸ்ரீபெரும்புதூரை அடைகிறது.

English summary

Tomorrow is former PM Rajiv Gandhi's 20th death anniversary. On behalf of this Karnataka worker congress has organised for Rajiv Jyothi Yathra from Bangalore to Sriperumbudur where he was killed. The yathra which started from Bangalore on may 15 will reach Sriperumbudur tomorrow.