ஜித்தா தமிழ் மன்ற நிர்வாகிகள் தேர்தல்: மீரான் மூசா தலைவராகத் தேர்வு

ஜித்தா: ஜித்தா தமிழ் மன்றத்தின் புதிய தலைவராக மீரான் மூசா தேர்வாகியுள்ளார்.

ஜித்தா தமிழ் மன்ற நிர்வாகிகள் தேர்தல் நடந்தது. இதில் மீரான் மூசா தலைவராகவும், கனி சலீம் துணை தலைவராகவும், ஜெய்ஷங்கர் பொதுச் செயலாளராகவும், காசிம் ஷெரிப் இணைச் செயலாளராகவும் மற்றும் அப்துல் பத்தாஹ் பொருளாளராகவும் தேர்ந்தெடுக்கப்பட்டுள்ளனர்.

மேலும், பத்திரிக்கை மற்றும் தொழில் நுட்ப செயலாளராக முஹம்மது இபுறாஹிம் மரைக்காயர், சமூக நல செயலாளராக விஜய் குமார், குழந்தை நிகழ்வுகள் ஒருங்கிணைப்பாளராக முனைவர் இலக்குவன் ஆகியோர் தேர்ந்தெடுக்கப்பட்டுள்ளனர்.

தேர்ந்தெடுக்கப்பட்டுள்ள பொறுப்பாளர்களின் பதவிக் காலம் ஓராண்டாகும் என்று ஜித்தா தமிழ் மன்றம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

English summary

Jeddah tamil mandram has elected new functionaries. Accordingly Meeran Moosa is the new president, Kani Salim is the vice president for the next one year.