நரையால் கண்ணாதாசனுடன் ஏற்பட்ட தொடர்பு: அகடவிகடம் அப்துல் காதர் துபாயில் பேச்சு

துபாய்: உல‌க‌ நகைச்சுவையாள‌ர் ம‌ன்ற‌ துபாய் கிளையின் சார்பில் ந‌கைச்சுவைத் திருவிழா 29.03.2013 அன்று மாலை ஆப்பிள் ச‌ர்வ‌தேச‌ ப‌ள்ளியில் ந‌டைபெற்ற‌து.

ந‌கைச்சுவைத் திருவிழாவிற்கு உல‌க‌ ந‌கைச்சுவையாள‌ர் ம‌ன்ற‌ நிறுவ‌ன‌ப் புர‌வ‌ல‌ர் குணா த‌லைமை வ‌கித்தார். த‌லைவ‌ர் முஹைதீன் பிச்சை வ‌ர‌வேற்புரை நிக‌ழ்த்தினார்.

சிற‌ப்பு விருந்தினராக‌ ராஜ் டிவி அக‌ட‌விக‌ட‌ம் புக‌ழ் பேராசிரிய‌ர் தி.மு. அப்துல் காத‌ர் ப‌ங்கேற்றார். இல‌க்கிய‌த்தில் இருந்து ப‌ல்வேறு ந‌கைச்சுவைகளை எடுத்திய‌ம்பி பார்வையாள‌ர்க‌ளை ம‌கிழ்ச்சிக் க‌ட‌லில் ஆழ்த்தினார். ந‌ரை என்ற‌ க‌விதையை எழுதிய‌த‌ன் கார‌ண‌மாக‌ க‌ண்ண‌தாச‌னுட‌ன் த‌ன‌க்கு ஏற்ப‌ட்ட‌ தொட‌ர்பு அத‌னைத் தொட‌ர்ந்து க‌விக்கோ அப்துல் ர‌ஹ்மான் மூல‌ம் ப‌ணியாணை பெற்ற‌ நிக‌ழ்வுக‌ளையும் ப‌கிர்ந்து கொண்டார். கோவையில் ந‌டைபெற்ற‌ செந்த‌மிழ் மாநாட்டு க‌விய‌ர‌ங்கை 15 ல‌ட்ச‌ம் பேர் ப‌ங்கேற்ற‌ நிக‌ழ்வினை விட‌ உல‌க‌ ந‌கைச்சுவையாள‌ர் ம‌ன்ற‌ அங்க‌த்தின‌ர்க‌ளின் ர‌சிப்புத் த‌ன்மை மிக‌வும் ம‌கிழ்வ‌ளிப்ப‌தாக‌ தெரிவித்தார்.

சிறுவ‌ர்க‌ள் முத‌ல் பெரிய‌வ‌ர்க‌ள் வ‌ரை அனைவ‌ரும் த‌ங்க‌ள‌து ந‌கைச்சுவைத் திற‌ன்க‌ளை சிற‌ப்புற‌ வெளிப்ப‌டுத்திய‌து குறித்து பெருமித‌ம் கொண்டார்.

முத்துக்கோதை, த‌ண்ணீர்ம‌லை, க‌டைய‌ந‌ல்லூர் எஸ்.கே.எம். ஹ‌பிபுல்லாஹ், முஹ‌ம்ம‌து ம‌ஃரூப், சேஷாத்ரி, பாவை நியாஸ், பாலாஜி பாஸ்க‌ர‌ன், ஹுமைத், ஆயிஷா உள்ளிட்ட‌ ப‌ல‌ர் ந‌கைச்சுவைக‌ளை ப‌கிர்ந்து கொண்ட‌ன‌ர்.

சிற‌ப்பு விருந்தின‌ர் அப்துல் காத‌ர் பொன்னாடை அணிவித்து கௌர‌விக்க‌ப்ப‌ட்டார். ஊட‌க‌விய‌லாள‌ர் முதுவை ஹிதாய‌த், நிழ‌ல்ப‌ட‌க் க‌லைஞ‌ர் இப்ராஹிம் உள்ளிட்டோருக்கு அப்துல் காத‌ர் நினைவுப் ப‌ரிசு வ‌ழ‌ங்கி கௌர‌வித்தார்.

நிக‌ழ்ச்சிக்கான ஏற்பாடுக‌ளை குணா, முஹைதீன் பிச்சை, அன்சாரி, க‌மல‌க்க‌ண்ண‌ன், சுல்தான், இத்ரீஸ் உள்ளிட்ட‌ குழுவின‌ர் செய்திருந்த‌ன‌ர்.

English summary

Humour club international Dubai chapter celebrated humour festival on march 29 at Apple international school there. Raj TV Akada vikadam fame Abdul Kader was the chief guest.