அபுதாபியில் இந்திய யூனியன் முஸ்லீம் லீக் மகளிர் அணி அமைப்பாளர்

அபுதாபி: அமீரகம் வருகை தந்துள்ள இந்திய யூனியன் முஸ்லிம் லீகின் மாநில மகளிரணி அமைப்பாளர் பேராசிரியர்.தஸ்ரிப் ஜஹானுக்கு அமீரக காயிதேமில்லத் பேரவை அபுதாபி மண்டலத்தின் சார்பில் சிறப்பான வரவேற்பளிக்கப்பட்டது.

நிகழ்ச்சிக்கு அமீரக காயிதேமில்லத் பேரவை துணைத்தலைவரும்,திருச்சி அய்மான் மகளிர் கலை மற்றும் அறிவியல் கல்லூரியின் தலைவருமான களமருதூர் ஹாஜி.ஷசுத்தீன் தலைமை வகித்தார்.

மெளலவி ஹாபிழ் அப்துல் ரஷீத் பாஜில் மன்பஈ இறைமறை வசனங்கள் ஓதினார். காயிதேமில்லத் பேரவையின் அபுதாபி பிரதிநிதி திட்டச்சேரி ஜாபர் சாதிக் பைஜி வரவேற்றுப் பேசினார்.

அமீரக காயிதேமில்லத் பேரவையின் அமைப்புச்செயலாளர் ஏ.எஸ்.அப்துல் ரஹ்மான் ரப்பானி அறிமுகவுரை நிகழ்த்தினார். இறுதியாக மகளிரணி அமைப்பாளர் பேராசிரியர்.தஸ்ரிப் ஜஹான் ஏற்புரை நிகழ்த்தினார்.

ஆவை.அன்சாரி இல்லத்தில் நடைபெற்ற இந்த வரவேற்பு நிகழ்ச்சியில் திருவாடுதுறை பைத்துல் மால் தலைவர் முத்து ராஜா,ஆயிஷா பரீரா கல்வி அறக்கட்டளைத் தலைவர் முஹம்மது நஸ்ருல்லாஹ்,உள்ளிட்ட பலர் கலந்து கொண்டனர்.

அபுதாபி அய்மான் சங்கத்தின் மார்க்கத்துறை செயலாளர் மெளலவி ஷர்புத்தீன் மன்பஈ நன்றி கூற துஆவுடன் நிகழ்ச்சி நிறைவடைந்தது.

English summary

IUML women's wing functionary Tasreen Jahan was welcomed in Abudhabi by Quaid e Milleth peravai.