மணவை முஸ்தபா தமிழ் அறக்கட்டளையின் இணைய நூலகம் தொடக்கம்

சென்னை: மணவை முஸ்தபா அறிவியல் தமிழ் அறக்கட்டளையின் ஒரு பகுதியான இணைய நூலகம் இயங்கத் தொடங்கியுள்ளது.

இதுகுறித்து மணவை முஸ்தபா அறிவியல் தமிழ் அறக்கட்டளையின் நிர்வாக இயக்குநரான டாக்டர்.மு.செம்மல் கூறுகையில், இப்படியொரு நூலகத்தை துவங்கவேண்டும் என்று ஜூன் 15 2013 ஆம் ஆண்டு நடைபெற்ற அறிவியல் தமிழ் அறக்கட்டளையின் உயர்மட்ட குழுவால் தீர்மானிக்கப்பட்டது.

அடுத்த இருபது ஆண்டுகளில் (2033) உலகின் மிகப்பெரிய தமிழ் இணைய நூலகமாக இது உருவாக்கப்படும்.

இந்த இணைய நூலகத்தில் குறிப்பிடப்படும் அறிவியல் கட்டுரைகள் மிகவும் பாதுகாப்பாக வைக்கப்பட்டுள்ளன. அவை ஆங்கிலத்தில் அமையப்பெற்றுள்ளன. பல்வேறு நாட்டு அறிஞர்களின் அறிவியல் கருவூலம் அது.

இலவசமாக கட்டுரைகளை பெற விழையும் மாணவர்கள் நேரிடையாக என்னை தொடர்புகொள்ள வேண்டும். இதுவரை 148 மாணவர்கள் எங்களுடைய நூலகத்தை பயன்படுத்தி அறிவியல் கட்டுரைகளை பல்வேறு தேசிய, சர்வதேச மாநாடுகளில் மாணவர்கள் வாசித்து சான்றிதழ்களை பெற்று சிறப்புற்று உள்ளார்கள்.

இந்த கட்டுரைகளை யாருமே என்றுமே பொருளீட்ட பயன்படுத்தக்கூடாது என்ற காரணத்தால், இக்கட்டுரைகளில் உள்ள கருத்துக்களை சர்வதேச சட்டங்களின் அடிப்படையில் மட்டுமே வெளியிடவேண்டும் என்னும் காரணத்தால், தவறான கைகளில் அவை என்றுமே சிக்காமல் இருக்கவே இத்தகைய அமைப்பு ஏற்படுத்தப்பட்டு உள்ளது.

மாணவர்கள் நேரிடையாக எங்களை தொடர்புகொண்டு பயன்பெற அறிவுறுத்தப்படுகின்றனர்.

இதுதொடர்பாக அணுகப்பட வேண்டிய இமெயில் முகவரி [email protected] என்று தெரிவித்துள்ளார்.

English summary

Manavai Mustafa Science Tamil trust has launched online library.