நாளை குவைத்தில் கல்விவள மேம்பாட்டு விளக்கக் கூட்டம்

குவைத்: மஜ்லிஸ் இஹ்யாவுஸ் ஸுன்னா குவைத் நடத்தும் கல்விவள மேம்பாட்டு விளக்கக் கூட்டம் நாளை குவைத்தில் நடைபெறுகிறது.

மிஸ்க் எனப்படும் மஜ்லிஸ் இஹ்யாவுஸ் ஸுன்னா குவைத்(MISK) கல்விவள மேம்பாட்டு விளக்கக் கூட்டத்திற்கு ஏற்பாடு செய்துள்ளது. இந்த நிகழ்ச்சி குவைத்தில் உள்ள மஸ்ஜித் அபூஹுரைரா(ரலி) ஷர்க் ஜம்பிய்யா பள்ளியில் நாளை நடைபெறுகிறது.

ஜும்ஆ தொழுகையைத் தொடர்ந்து பிற்பகல் 12.30 மணிக்கு துவங்கும் நிகழ்ச்சி மதியம் 1.30 மணி வரை நடைபெறும்.

இந்நிகழச்சியில் முன்னாள் எம்.பி.யும், இந்திய யூனிய முஸ்லிம் லீக்கின் தேசிய பொதுச் செயலாளரும், தமிழ் மாநில தலைவருமான கே.எம். காதர் மொய்தீன் சிறப்பு விருந்தினராக கலந்து கொண்டு 'உம்மத்தின் உயர்வே உன்னத உயர் கல்வி' என்ற தலைப்பில் சிறப்புரையாற்றுகிறார்.

மேலும் இன்னொரு சிறப்பு விருந்தினரான இந்திய யூனியன் முஸ்லிம் லீக் கட்சியின் தமிழ் மாநில பொதுச் செயலாளர் கே.ஏ.எம். முஹம்மது அபூபக்கர் 'வேற்றுமை நீக்கும் ஒற்றுமை காக்கும் சன்மார்க்க நீதி' என்ற தலைப்பில் சிறப்புரையாற்றுகிறார்.

English summary

MISK has arranged for a religious programme at Sharq co-operative society Masjid in Kuwait on january 4. All are invited.