ஃபெட்னா 2017: முன்னணி நகைச்சுவை நடிகர் சின்னி ஜெயந்த் கலக்கப்போகும் விழா
மினசோட்டா: வட அமெரிக்க தமிழ்ச் சங்கப் பேரவையின் 30-ம் ஆண்டு தமிழ் விழா நிகழ்ச்சி மினியாபொலிஸ் நகரில் வரும் 30ம் தேதி தொடங்கவுள்ளது. அதில் கலந்துகொண்டு முன்னணி நகைச்சுவை நடிகர், சின்னி ஜெயந்த் தனது திரைத்துறை அனுபவங்களைப் பகிர்ந்து கொள்ள உள்ளார்.
சின்னி ஜெயந்த், (இயற்பெயர்: கிருஷ்ணமூர்த்தி நாராயணன்) அவர்கள் புகழ்பெற்ற நகைச்சுவை நடிகர்; திரைப்படத் தயாரிப்பாளர், இயக்குநர் மற்றும் பலகுரலில் பேசும் கலைஞர் ஆவார்.
இவர் 1984ஆம் ஆண்டு ரஜினிகாந்த் நடித்த கை கொடுக்கும் கை என்ற படத்தின் மூலம் தமிழ்த் திரைப்படத்துறையில் அறிமுகமானார். இவர் 300 க்கும் அதிகமான திரைப்படங்களுக்கு மேல் நடித்துள்ளார். தமிழக அரசு வழங்கும் கலைமாமணி விருதினை 2009 ஆம் ஆண்டு பெற்றார்.
மேலும் இவர் பல்வேறு தொலைகாட்சி நிகழ்சிகளிலும், நாடகங்களிலும் பணியாற்றியுள்ளார். இவர் பல்வேறு விருதுகளையும் வாங்கி குவித்துள்ளார். இவர் பல குரல் ஆராய்ச்சி செய்து வருவதற்காக சர்வதேச திறந்தவெளி மாற்று மருத்துவப் பல்கலைக்கழகத்தின் கெளரவ டாக்டர் பட்டமும் பெற்றுள்ளார். சமூகநலனுக்காகவும் கள்ப்பணிகளில் தம்மை ஈடுபடுத்திக் கொள்கிறார்.
ஈழத்தமிழர் நலன் உள்ளிட போராட்டங்களில் ஈடுபடுத்திக் கொண்டவர். பலகுரற்பேச்சில் விற்பன்னரான இவர், விழாவுக்கு வருவோரை குதூகலப்படுத்துவார் என எதிர்பார்க்கலாம்.
இன்னும் பல திரைப் பிரபலங்கள், தமிழ் அறிஞர்கள் பங்கேற்று தமிழ் பண்பாடுகளை, தமிழ்த் தொழில் முனைவோர் முன்னிலையில் அழகுப்படுத்தி சிறப்புரை நல்கவுள்ளார்.