ஷார்ஜாவில் இந்திய தூதர் மற்றும் கன்சல் ஜெனரலுக்கு வரவேற்பு

ஷார்ஜா இந்திய வர்த்தக மற்றும் கண்காட்சி மையத்தில் இந்திய தூதர் மற்றும் கன்சல் ஜெனரலுக்கு வரவேற்பு

ஷார்ஜா: ஷார்ஜா இந்திய வர்த்தக மற்றும் கண்காட்சி மையத்தில் இந்திய தூதர் மற்றும் கன்சல் ஜெனரலுக்கு வரவேற்பு நிகழ்ச்சி 25.02.2014 அன்று நடைபெற்றது.

நிகழ்ச்சிக்கு ஷார்ஜா இந்திய வர்த்தக கவுன்சில் தலைவர் சுதேஷ் அகர்வால் தலைமை வகித்தார். ஷார்ஜா இந்திய வர்த்தக மற்றும் கண்காட்சி மைய இயக்குநர் ஜெனரல் ஸ்ரீ பிரியா வரவேற்புரை நிகழ்த்தினார்.

ஷார்ஜா சேம்பர் ஆஃப் காமர்சின் டைரக்டர் அஹமது அல் மித்ஃபா வாழ்த்துரை வழங்கினார்.

ஏற்புரை நிகழ்த்திய இந்திய தூதர் சீதாரா, தங்களுக்கு வரவேற்பு நல்கிய அனைவருக்கும் நன்றி தெரிவித்துக் கொண்டார். மேலும் இத்தகைய வர்த்தக மையத்தை ஏற்படுத்தியமைக்கு பாராட்டு தெரிவித்தார். அமீரக வர்த்தக பிரமுகர்கள் இந்தியப் பயணம் மேற்கொள்ள விசா நடைமுறைகள் எளிதாக்கப்படும் என்றார்.

இந்திய கன்சல் ஜெனரல் அனுராக் பூஷன் தனது ஏற்புரையில் வரவேற்பிற்கு நன்றி தெரிவித்துக் கொண்டார். தனது அலுவலகம் எல்லாவித ஒத்துழைப்புகளும் நல்கும் எனத் தெரிவித்தார்.

நிகழ்ச்சியில் வர்த்தக பிரமுகர்கள் பலர் கலந்து கொண்டனர்.

English summary

Indian ambassador to UAE and consul general were given warm welcome at a function held in India trade and exhibition centre, Sharjah on february 25.