குவைத்தில் சமூக மற்றும் ஊடக விழிப்புணர்வு கருத்தரங்கம்: 'நேருக்கு நேர்' புகழ் வீரபாண்டியன் பங்கேற்பு
குவைத்: இஸ்லாமிய வழிகாட்டி மையத்தின் (IGC) சார்பில் குவைத்தில் நடக்கும் சமூக மற்றும் ஊடக விழிப்புணர்வு கருத்தரங்கத்தில் சன் டிவி நேருக்கு நேர் புகழ் வீரபாண்டியன் கலந்து கொள்கிறார்.
இஸ்லாமிய வழிகாட்டி மையத்தின் (IGC) சார்பில் வரும் 25ம் தேதி குவைத், ஃபஹாஹீலில் உள்ள ஐஜிசி அலுவலகத்தில் ஊடகப் பயிலரங்கம் நடைபெறுகிறது. இதில் சன் டிவி நேருக்கு நேர் நிகழ்ச்சி புகழ் வீரபாண்டியன் கலந்து கொண்டு சிறப்புரை ஆற்றுகிறார். இந்த நிகழ்ச்சியில் கலந்து கொள்ள விரும்புபவர்கள் தங்கள் பெயரை முன்பதிவு செய்ய வேண்டும்.
இதையடுத்து வரும் 26ம் தேதி சமூக மற்றும் ஊடக விழிப்புணர்வு கருத்தரங்கம் நடைபெறுகிறது. ஸால்மியா இந்தியன் மாடல் ஸ்கூல் வளாகத்தில் நடைபெறும் நிகழ்ச்சியில் வீரபாண்டியன் கலந்து கொண்டு உரை நிகழ்த்துகிறார்.
இந்ந நிகழ்ச்சியில் கலந்து கொள்ளுமாறு அனைவரையும் இஸ்லாமிய வழிகாட்டி மையம் அழைக்கிறது.
குறிப்பு:
* இரவு உணவு (சைவம் / அசைவம்) ஏற்பாடு செய்யப்பட்டுள்ளது.
* குவைத்தின் பல பகுதிகளில் இருந்து வாகன வசதி செய்யப்பட்டுள்ளது.
Click it and Unblock the Notifications
Sign in with Google