ஆம்.. செங்கோட்டையன் அப்செட்டில் தான் இருக்கிறார்.. உண்மையை உடைத்த தவெக நிர்வாகி
ஈரோடு: தமிழ்நாடு, புதுச்சேரி, கேரளா, மேற்கு வங்கம், அசாம் உள்ளிட்ட மாநிலங்களில் இந்த வருடம் சட்டமன்ற தேர்தல் நடைபெறவுள்ளது. இதற்கான அதிகாரபூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. கூட்டணி, தொகுதி பங்கீடு, வாக்குறுதிகள், பிரச்சாரம் ஆகியவற்றால் அரசியல் களம் இப்போதே சூடுபிடிக்க தொடங்கியுள்ளது.
அதிமுகவில் இருந்து தவெகவில் இணைந்த செங்கோட்டையன், உரிய முக்கியத்துவம் தரப்படாததால் அதிருப்தியில் இருப்பதாக கூறப்படுகிறது. இதுகுறித்து ஈரோடு மாவட்ட தவெக செயலாளர், "செங்கோட்டையனுக்கு இணையாக ஓட முடியவில்லை. அவரால் நான் வேட்டி கட்டுவதையே நிறுத்திவிட்டேன்" என்றவர், அவர் அப்செட்டில் இருப்பதும் உண்மை என அதற்கான காரணத்தை விளக்கியுள்ளார்.

20 வயது பையன் செங்கோட்டையன்
ஈரோடு மாவட்டத்தில் நடைபெற்ற தவெக நிகழ்ச்சியில், அந்தக் கட்சியின் ஈரோடு மாவட்டச் செயலாளர் விஜய் பாலாஜி பேசும்போது, "அண்ணன் செங்கோட்டையன் எப்போது தவெகவில் இணைந்தாரோ, அப்போதிருந்து 20 வயது பையனாகிவிட்டார். ஏப்பா.. அவர் கூட போட்டி போட்டு் ஓட முடிய மாட்டிங்குதுப்பா. எந்த தெரு, திட்டம் என்றாலும் ஓடிப்போகிறார். நாமும் அவருடன் ஓட வேண்டியுள்ளது. அண்ணனுக்கு பயந்தே நான் வேட்டி கட்டுவதை நிறுத்திவிட்டேன். எங்கடா அவிழ்ந்துவிடுமோ என்று பயந்து.. பேன்ட் போட்டுத்தான் சுற்றி கொண்டிருக்கிறேன்" என்றார்.
அமைதியா இருங்க
அந்த நிகழ்ச்சியில் செங்கோட்டையனும் கலந்து கொண்டார். பாலாஜி பேசும்போது செங்கோட்டையன் சந்தோஷத்தில் கைத்தட்டி சிரித்தார். அங்கிருந்த தவெக தொண்டர்கள் விசிலடித்து ஆரவாரம் செய்து கொண்டே இருந்தனர். மீண்டும் தொடர்ந்த விஜய் பாலாஜி, ரொம்ப சந்தோஷமா இருக்கு. தம்பிகளா ஒரு நிமிஷம் அமைதியா இருங்க. நான் என்ன சொல்கிறேன் என கேளுங்க.
வருத்தத்தில் செங்கோட்டையன்
பத்திரிகை நண்பர்கள் இருப்பீர்கள் என நம்புகிறேன். எந்த செய்தியாளர் சந்திப்பு நடந்தாலும், 'செங்கோட்டையன் வருத்தத்தில் இருக்கிறாராமே' என மீண்டும் மீண்டும் கேட்கின்றீர்கள். அவர் முகத்தை பாருங்க. ஆமா தவெகவில் ஏன் 2 வருடங்களுக்கு முன்பு இணையவில்லை என்கிற வருத்தத்தில் இருக்கிறார். ஒரு விஷயம் தெரிஞ்சுக்கோங்க.. இங்கிருக்கும் நிர்வாகிகள் யாரும் உயர் பதவிக்காக வரவில்லை.
மக்கள் சேவை
தளபதியின் பின்னால் மக்கள் சேவை செய்ய வேண்டும் என்கிற ஒரே நோக்கம் தான் உள்ளது. அதற்காக தான் ரசிகர் மன்றத்தில் இருந்து, மக்கள் இயக்கம், தவெக என பயணித்து கொண்டிருக்கிறோம். பதவி ஆசை இருந்தால் தானே எங்களுக்குள் போட்டி இருக்கும். 100% எங்களுக்கு அது கிடையாது. திரும்ப.. திரும்ப அதைக் கேட்க வேண்டாம். ஏற்கனவே இருந்த இயக்கத்தைவிட, அவர் இங்கு மிகுந்த மகிழ்ச்சியோடு இருக்கிறார்.
ஈரோட்டின் முகம் செங்கோட்டையன்
தளபதி, எங்கள் பொதுச்செயலாளர் ஆகியோருக்கு பிறகு இந்த ஈரோடு மாவட்டத்தின் ஒருங்கிணைந்த முகம் அண்ணன் செங்கோட்டையன் தான். அதில் எந்த மாற்று கருத்தும் இல்லை. அதேபோல எங்களுக்கு எல்லாம் அக்காவுக்கு அக்காவாக.. அத்தைக்கு அத்தையாக.. அம்மாவுக்கு அம்மாவாக சத்யபாமா எங்களை எல்லாம் வழி நடத்துகிறார். அவர் நாடாளுமன்ற உறுப்பினர் போன்ற உயர் பதவிகளில் இருந்துள்ளார். அப்படி இருந்தும் கூட எங்களை கணிவாக வழிநடத்துகிறார்.
வைரல் பேச்சு
நிகழ்ச்சிகளில் அவரை முன்னால் நிற்க சொன்னால் கூட, 'வேண்டாம். நீங்கள் தான் நிற்க வேண்டும்' என்று எங்களை முன்னிலைப்படுத்துகிறார்" என்றார். அவரின் இந்த பேச்சின் வீடியோ சமூகவலைதளங்களில் வைரலாகி வருகிறது.
-
அதிமுகவிற்கு 17% கூட இல்லை.. 146 தொகுதியில் 3-ம் இடம் போயிட்டாங்க.. ஆதவ் அர்ஜுனாவின் புதிய டேட்டா -
புஸ்சி ஆனந்த் ஒழிக.. கோஷமிட்ட தவெக நிர்வாகிகள்.. புதுவையில் போட்டியிட சீட் வழங்காததால் ஆதங்கம் -
வேல்முருகனின் மெகா பிளான் இதுவா? வன்னியர் சமூக வாக்குகளை வளைக்க பார்க்கிறாரா? -
காத்திருந்து காத்திருந்து! புதுவையில் தவெகவுடன் இணைந்த கூட்டணி! அப்போ அந்த 2 வேட்பாளர்கள் நிலை? -
Election Exclusive: அணில் மோட் ஆக்டிவேட் பண்ணுங்க.. நண்பா நண்பீஸ் ரெடியாகுங்க! எலக்சனுக்கு முன் விஜய் போடும் மெகா ப்ளான் -
தவெக மாய உலகத்தில் இருக்கிறது.. கிராமப்புறங்களில் காத்து வாங்கும் கட்சி! ஷாக் ரிப்போர்ட் -
விஜய்யை பார்க்க சென்று விபத்தில் சிக்கிய தஞ்சை கல்லூரி மாணவர் விக்னேஷ் 19 நாள் கழித்து உயிரிழப்பு -
2026 தேர்தலில் புதிய சக்திகள்! 5 முனை போட்டிக்கு வழிவகுத்த ஜூனியர்ஸ்! யாருக்கு சாதகம்? பாதகம்? -
பெரம்பூரில் விஜய் வெல்வாரா? ‘ஒன் இந்தியா' நேரடி கள ரிப்போர்ட்.. மக்கள் யார் பக்கம்? வீடியோ -
பாம்புக்கும் எடப்பாடி பழனிசாமிக்கும் என்ன வித்தியாசம்? நாஞ்சில் சம்பத் ஒற்றை கேள்விக்கு அதிமுக நறுக் -
தவெக சார்பாக களமிறங்கும் அன்புச்செழியன் மகன்.. மதுரை மத்திய தொகுதியில் விவேக் அன்புச்செழியன்? -
என்னது நாங்க தவெகவை கூட்டணிக்கு அழைத்தோமா.. கடுகடுத்த செல்லூர் ராஜூ












Click it and Unblock the Notifications