உன் கடிதங்கள்:- பாஷா

தேவதை எழுதிய
வேத பக்கங்களாய்
தினந்தோறும் என்னால்
படிக்கப்பட்டு வருகிறது
உன் கடிதங்களும்
வாழ்த்து மடல்களும்!

நீயென்னை
விட்டுப்போனபிறகு என்னிடம்
ஒட்டிக்கொண்டன உன் எழுத்துக்கள்.
என்னை உனக்கு பிடிக்குமென்பதால்
உன் எழுத்துக்கும்
என்னைப் பிடித்துப்போனது!

என்ன ஊற்றி எழுதுகிறாய் நீ
எத்தனை ஆண்டுகளானாலும்
என் இதய துடிப்பை
எகிறசெய்ய உன்
எழுத்தால்மட்டும் முடிகிறது!

எத்தனைமைல் தூரமிருந்தாலும்
என்னுடன் நீ கைகோர்த்து நடக்க
குவாண்டம் வித்தை கொண்டுவருகிறது
உன் எழுத்துக்கள்!

இப்பொழுதெல்லாம்
உள்ளிழுக்கும் மூச்சுடன் தினம்படிக்கும்
உன் கடிதமும்
உயிர் வாழ்தலுக்கு
அவசியமாகிவிட்டது!

- பாஷா([email protected])