• search
For Quick Alerts
ALLOW NOTIFICATIONS  
For Daily Alerts

களம் புகுவாய்!

By Staff
|

மானம் எனுமொரு பானையில் வாழ்வெனும்

தீனி சமைத்தவனே! - தமிழ்

போனதடா சிறை போனதடா! அட

பொங்கி எழுந்திடடா!

காட்டு தமிழ்மறம்! ஓட்டு வரும்பகை!

பூட்டு நொறுக்கிடுவாய்!- நிலை

நாட்டு குலப்புகழ்! தீட்டு புதுக்கவி!

ஏற்று தமிழ்க் கொடியே!

முந்து தமிழ்மொழி நொந்து வதைபட

இந்தி வலம் வரவோ? - இது

நிந்தை! உடனுயிர் தந்து புகழ்பெறு!

வந்து களம் புகுவாய்!

நாறு பிணக்களம் நூறு படித்துநம்

வீறு மிகுந்த குலம் - பெறும்

ஊறு துடைத்திடு மாறு புறப்படு!

ஏறு நிகர்த்தவனே!

நாலு திசைகளும் ஆள நடுங்கிய

கோழை எனக்கிடந்தாய்! - மலைத்

தோளும் குனிந்தது போலும்! விழித்தெழு

காலம் அழைக்குதடா!

- காசி ஆனந்தன்

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X