கவிதைக்கு ஓரு காதல்

காதலுக்கு கவிதை எழுதுவோர் மத்தியில்
கவிதைக்காக என் காதலை நான் எழுதுகிறேன்

நீ எந்த நாடு, நீ எந்த மதம், நீ என்ன மொழி,
உன் பாலினம் என்ன ஏன் நீ உயிருள்ள ஜீவனா
அல்லது, உயிரற்ற ஜடமா
என்று கூட தெரியவில்லை எனக்கு
ஏன் உன்னை காதலித்தேன் புரியவில்லை
எதற்கு உன்னை காதலிக்கிறேன் தெரியவில்லை

ஆயிரம் கவிஞர்கள் உன்னை தன்
பேனாவால் பிறக்க வைக்கிறார்கள்
பிறக்க வைத்தவர்களை மறக்க
வைக்கிறாய் நீ!

மனிதர்களை மறந்த என் மனம்
உன் மடியில் வீழ்ந்திருக்க ஆசைப்படுகிறது
உறங்கும் வரை என்னை தாலாட்டிவிட்டு
உறங்கிய பின் தரையில் இறக்கி விடாதே!

நீ என்னை இறக்கி விட்டால் அன்று தான்
என் இதயம் இறக்கும் நாள்
ஆயிரம் பேரை காதலிக்கும் நீ!
உன்னை மட்டும் காதலிக்கும் நான்!
உன்னால் இயக்கப்படும் இதயம் நான்!
உன்னால் இறக்கப்படும் இதயமும் நான்!

- லக்ஷ்மி (mailto:[email protected])