யார் இவன்?

முகில்கள் தழுவ முழுதாய் கொடுத்தாய்
உலகம் ஒளிர முழுதாய் எரித்தாய்
இரவும் பகலும் நிதமும் வரவாய்
நிலவும் நிழலும் உன்னால் வாழும்
வயது வரம்பு உனக்கு இல்லை
வருவதும் போவதும் உன் வேலை

கடலைக் குடிக்கும் தாகம் உனக்கு
வானம் அழுதால் தாங்கா மனது
தனிமை கொண்ட வாழ்வு உனக்கு
மரணம் தவிர்த்த தூங்கா வாழ்வு
இறைவன் ஏற்றிய அணையா விளக்கே
இதமாய் உதிக்கும் உந்தன் அழகு
சமமாய் கொடுக்கும் மன்னவன் நீயே
பாரினில் எனக்கிங்கு பார்வையும் நீயே

கார்மேக கூட்டத்தில் காணாமல் போனாய்
தார்மீக பெறுப்பென்று காரணம் சொன்னாய்
இருட்டினில் உந்தன் மறுபக்கம் கண்டேன்
இறைவன் அளித்த உண்மை விளக்கே
உதயத்தில் உதிக்கும் உன்னத தீபமே
மாலையில் மயங்கிடும் கன்னி தீபம்நீ
ஒருநொடி உந்தன் எரிதல் நின்றாலும்
உயிர்விடும் எந்தன் ஜீவனும் உனக்கு

- சபரி (mailto:[email protected])