பொறுப்பு

-முத்தாசென் கண்ணா

அப்பா சட்டையில்
நாலணா எடுத்தால் கூட
கோள்மூட்டிவிடவும்...

சனிக்கிழமை
சம்பள நாளின் தீனிகளில்
பெரும்பங்கு கொண்டு
ஒழுங்கு காட்டுவதும்.......

அவளுக்காக பயந்து
நான் அடுப்பங்கரையில்
செல்பேசுவதும்....

பைசாவுக்கு கூடப் பெறாது
அவளிடம் மதிப்பிழப்பதுமாக
தங்கை என்று ஒருத்தி

ஆனால் எதோ ஒரு
பொறுப்பு வந்ததாய்
தோன்றுகிறது
"உன் தங்கை பெரிய மனுஷி ஆயிட்டா"
என்று என் அம்மா சொன்னபோது