விண்வெளி துறையிலும் ஒரு ரவுண்டு வரப்போகும் சாட்ஜிபிடி.. ஆய்வு செய்த விஞ்ஞானிகளுக்கு சர்ப்ரைஸ்

வாஷிங்டன்: செயற்கை கோள் கட்டுப்பாடு மற்றும் விண்கலனுக்கான வழிகாட்டி ஆகியவற்றில் தானாகவே இயங்கும் வகையில், சிஸ்டம்களை மேம்படுத்துவதில் ஆய்வாளர்கள் நீண்ட காலம் ஆர்வம் காட்டி வருகிறார்கள். எதிர்காலத்தில் மனிதர்களால் கையாள முடியாத அளவுக்கு அதிகமான செயற்கைக்கோள்கள் பயன்பாடு அதிகமாகும் சூழ்நிலை ஏற்பட்டால், ஏஐ தொழி நுட்பம் விண்வெளி ஆய்விலும் முக்கிய பங்காற்றும் என விஞ்ஞானிகள் கருதுகிறார்கள்.

செயற்கை நுண்ணறிவுதளமான சாட்ஜிபிடியால் விண்கலத்தை எந்த அளவு சிறப்பாக இயக்க முடியும் என்பதை ஆராய, ஆராய்ச்சியாளர்கள் ஆய்வு மேற்கோண்டனர். ஆட்டோனோமஸ் எனப்படும் சுயமாக செயல்படகூடிய விண்கலப் போட்டியில் சாட்ஜிபிடி இரண்டாம் இடத்தைப் பிடித்தது, விஞ்ஞானிகளை வியக்க வைத்துள்ளது.

செயற்கைக்கோள் கட்டுப்பாடு மற்றும் விண்கலத்தின் இயக்கத்திற்குத் தேவையான ஆட்டோனோமஸ் அமைப்புகளை உருவாக்குவதில் ஆராய்ச்சியாளர்கள் நீண்ட காலமாக ஆர்வமாக உள்ளனர். எதிர்காலத்தில், மனிதர்கள் நேரடியாகக் கட்டுப்படுத்த முடியாத அளவுக்கு செயற்கைக்கோள்கள் இயங்கும்.

மேலும், ஆழமான விண்வெளி ஆய்வில், ஒளியின் வேக வரம்பு காரணமாக, விண்கலத்தை நிகழ்நேரத்தில் கட்டுப்படுத்துவது கடினம். விண்வெளி ஆய்வை விரிவாக்கம் செய்ய நாம் விரும்பினால், ரோபோக்கள் தாங்களாகவே முடிவுகளை எடுக்கும் வகையில் உருவாக்க வேண்டும்.

புதுமையை ஊக்குவிக்கும் வகையில், விண்வெளி ஆராய்ச்சியாளர்கள் சமீபத்திய ஆண்டுகளில் கெர்பல் விண்வெளித் திட்டம் டிஃபெரென்ஷியல் கேம் சேலஞ்சை உருவாக்கியுள்ளனர். இது கெர்பல் விண்வெளி திட்ட வீடியோ கேமை அடிப்படையாகக் கொண்ட ஒரு விளையாட்டு மைதானம் போன்றது. இதன் மூலம், ஆட்டோனோமஸ் அமைப்புகளை வடிவமைக்கவும், பரிசோதிக்கவும், மற்றும் ஒரு யதார்த்தமான சூழலில் அவற்றைச் சோதிக்கவும் முடிகிறது.

ஒரு செயற்கைக்கோளைத் துரத்தி இடைமறிக்கும் பணி மற்றும் தப்பிக்கும் பணி போன்ற பல சூழ்நிலைகள் இந்த சவாலில் உள்ளன. எனவே தானியங்கி செயல்பாடு முக்கியத்துவமானதாக உள்ளது. ஜர்னல் ஆஃப் அட்வான்சஸ் இன் ஸ்பேஸ் ரிசர்ச் இதழில் இது தொடர்பான கட்டுரை வெளியிடப்பட்டுள்ளது. ஏற்கனவே செயற்கை நுண்ணறிவு தளங்கள் பல்வேறு துறைகளிலும் ஆக்கிரமிக்க தொடங்கிவிட்ட நிலையில், தற்போது விண்வெளி துறையிலும் இதன்பயன்பாடு பெருமளவு வரும் காலங்களில் அதிகரிக்கும் என்று தெரிகிறது. இது விண்வெளி துறையில் புதிய பாய்ச்சலை ஏற்படுத்த கூடும் எனவும் எதிர்பார்க்கப்படுகிறது.

English summary

While artificial intelligence platforms have begun to invade various sectors, its use in the space sector is now expected to increase significantly in the coming years. It is also expected that this may lead to a new leap in the space sector.