2023 புத்தாண்டு ராசி பலன்: மிதுன ராசிக்காரர்களுக்கு தொட்டதெல்லாம் பொன்னாகும்..வெற்றிகள் தேடி வரும்!
சென்னை: மிதுனம் ராசிக்காரர்கள் இத்தனை ஆண்டு காலமாக பட்ட துயரங்களுக்கு 2023ஆம் ஆண்டில் விடிவு காலம் பிறக்கப்போகிறது. எந்தப்பக்கம் போனாலும் முட்டுச்சந்தாக இருந்தது. நெருங்கிய உறவினர்களே வெறுத்து ஒதுக்கினார்கள். இந்த வாழ்க்கை தேவையா என்று கூற யோசித்து இருப்பீர்கள். இனி பிறக்கப்போகும் புத்தாண்டில் உங்களுக்கு எந்த மாதிரியான பலன்கள் கிடைக்கப்போகிறது என்று பார்க்கலாம்.
பொதுவாகவே மிதுன ராசிக்காரர்களுக்கு கடந்த சில ஆண்டுகளாக சனிபகவான் அஷ்டம ஸ்தானத்தில் பயணம் செய்தார். இனி சனிபகவான் பாக்ய ஸ்தானமான ஒன்பதாம் வீட்டிற்கு வரப்போகிறார். குரு பகவானும் லாப ஸ்தானத்திற்கு வரப்போகிறார். ஏற்கனவே ராகு பகவான் லாப ஸ்தானத்தில் இருந்து நிறைய நற்பலன்களை கொடுத்துக்கொண்டிருக்கிறார்.
நவ கிரகங்களின் சஞ்சாரத்தினால் 2023ஆம் ஆண்டில் மிதுன ராசியில் பிறந்தவர்களுக்கு வேலை, கல்வி, குடும்ப வாழ்க்கை, உடல் ஆரோக்கியம், பொருளாதார நிலை எல்லாமே எப்படி இருக்கப்போகிறது என்று பார்க்கலாம்.
ஐப்பசி மாத ராசி பலன் 2022: 5 ராசிக்காரர்களின் வாழ்க்கையில் அற்புதமான மாற்றங்கள் வருமாம்!
மிதுனம்
2023ஆம் ஆண்டு மிதுன ராசிக்காரர்கள் நிம்மதி பெருமூச்சு விடப்போகிறீர்கள். உடல் ஆரோக்கியத்தில் இருந்த பிரச்சினைகள் முடிவுக்கு வரப்போகிறது. கடந்த 5 ஆண்டு காலமாகவே கண்டச்சனி, அஷ்டம சனி என படாத பாடு பட்டு கவலைகளில் சிக்கியிருப்பீர்கள். இனி உங்களுக்கு அந்த பிரச்சினை வேண்டாம். வாழ்க்கையில் எத்தனையோ துன்பங்களை பட்டு அதன் மூலம் ஏராளமான படிப்பினைகளை கற்றுக்கொண்டிருப்பீர்கள்.
பணப்பிரச்சினை நீங்கும்
இனி உங்களுக்கு நல்ல காலம்தான். எத்தனையோ சோதனைகள் வந்தாலும் அதை சாதனைகளாக மாற்றக்கூடிய சக்தியை சனி பகவானும், குரு பகவானும் தரப்போகின்றனர். 2023ஆம் ஆண்டு முதலே உங்களுக்கு நேர்மறை சக்திகள் அதிகரிக்கும். பொருளாதார நிலைமை நன்றாக இருக்கும். பட்ட கடன்கள் முடிவுக்கு வரப்போகிறது.
உங்களின் கடன் பிரச்சினையில் இருந்து வெளியே வரப்போகிறீர்கள். பணத்தினால் ஏற்பட்ட பிரச்சினைகள் நீங்கப்போகின்றன.
குடும்பத்தில் ஒற்றுமை
மன உளைச்சல் நீங்கப்போகிறது. பட்ட அவமானங்கள் முடிவுக்கு வரப்போகின்றன. மன நிம்மதியும் சந்தோஷமும் அதிகரிக்கும். கணவன் மனைவி இடையே ஏற்பட்ட சண்டை சச்சரவுகள் முடிவுக்கு வரும். பிள்ளைகளால் ஏற்பட்ட சங்கடங்கள் நீங்கும். பிரிந்தவர்கள் ஒன்று சேருவார்கள். சிலருக்கு கல்யாணம் கைகூடி வரும். 2023ஆம் ஆண்டில் மே மாதத்திற்குப் பிறகு திருமணம் முடியும், குழந்தை பாக்கியம் கைகூடி வரும்.
வேலை கிடைக்கும்
நல்ல வேலை கிடைக்கப்போகிறது. வேலையில் இருப்பவர்களுக்கு புரமோசன் கிடைக்கப்போகிறது. வீடு வாங்கும் யோகம் கைகூடி வரும். சிலருக்கு இடமாற்றம் உண்டாகும். சமூகத்தில் மதிப்பு மரியாதை கூடும். கடவுளின் நற்கருணை உங்களுக்கு கைகூடி வரப்போகிறது. நோய்கள் நீங்கப்போகிறது. உங்களின் சங்கடங்கள் நீங்கி சந்தோஷம் அதிகரிக்கப்போகிறது. மாணவர்களுக்கு கல்வியில் இருந்த தடைகள் நீங்கும். தன்னம்பிக்கை தைரியம் அதிகரிக்கும். நினைத்த கல்லூரியில் படிக்க இடம் கிடைக்கும். சிலருக்கு வெளிநாடு செல்லும் யோகமும் வரும்.