Kaandha Twitter Rivew: காந்தா படம் எப்படி இருக்கு? துல்கர் சல்மான் நடிப்பு அடிபோலி! கதை இதுதானாம்! விமர்சனம்

Updated: Thursday, November 13, 2025, 13:38 [IST]

Subscribe to Oneindia Tamil

சென்னை: (Kaandha Twitter Rivew) நடிகர் துல்கர் சல்மான் இப்போ தமிழ் சினிமாவில் அடுத்த சம்பவம் பண்ணிட்டாரு! "என்னடா, 'காந்தா'ன்னு பழைய பட டைட்டில்ல நடிக்கிறாரே?"ன்னு நிறையப் பேர் ஆரம்பத்துல ட்ரோல் பண்ணினாங்க. ஆனா, நேற்று பத்திரிகையாளர்களுக்குப் போட்ட சிறப்புக் காட்சி மூலம், அவர் பண்ணினது உலகத் தரமான சினிமான்னு நிரூபிச்சிட்டாரு!

செல்வமணி செல்வராஜ் இயக்கத்தில், துல்கர் சல்மான், சமுத்திரக்கனி அண்ணன், பாக்யஸ்ரீ போர்சே, ராணா டகுபதி எல்லாம் நடிச்சு உருவாகி இருக்குற இந்த 'காந்தா' திரைப்படம், நவம்பர் 14-ம் தேதி திரைக்கு வரத் தயாராக இருக்கு! இந்த ஆண்டோட ஆக சிறந்தப் படைப்புன்னு இப்போதே திரையுலகமே கொண்டாடுது!

காந்தா பட கதை

'காந்தா' திரைப்படம், 1950கள்ல இருந்த தமிழ் சினிமாவின் பொற்காலத்தை சொல்ற மாதிரி உருவாக்கி இருக்காங்களாம். படத்தோடக் கதை, ஒருப் பிரபல இயக்குநர் மற்றும் அவர் அறிமுகப்படுத்திய முன்னணி நடிகர் இவங்க ரெண்டு பேரையும் மையமாகக் கொண்டது. ஒரு காலத்துலக் கலைக்காக ஒன்னா உழைச்சவங்க, காலப்போக்குல போட்டியும், ஆளுமை மோதலும் வர, அதுதான் படத்தோடச் சுருக்கமா இருக்கு!

புதிய முகம்

இந்த மோதலுக்கு நடுவுல வர்ற ஒரு இளம் நடிகை, இவங்க வாழ்க்கையையே மாத்தி போடுறா. இது சாதாரணக் காதல் கதை இல்ல; கலைஞர்களோட மனப்போராட்டம்‌. துல்கர் சல்மான் நடிப்பைப் பார்த்துட்டு, "கண்டிப்பா இவருக்கு தேசிய விருது கொடுத்தே ஆகணும்!"ன்னு பலர் பதிவு வெளியிட்டு இருக்கிறார்கள்

ட்ரைலர் வெளியீட்டு விழாவிலேயே ராணா டகுபதி, துல்கரை "நடிப்புச் சக்கரவர்த்தி"ன்னு பாராட்டினாரு. இப்போ படம் பார்த்த ரசிகர்கள், "இனிமேல் துல்கர் சல்மான் பெயருக்கு முன்னாடி இந்தப் பட்டத்தைப் போடணும்!"ன்னு டிமாண்ட் பண்ணுறாங்க!. துல்கர் சல்மான், தொழில்ல கவனம் கொண்ட 'டிகே மகாதேவன்'ங்கிற கேரக்டர்ல வாழ்ந்திருக்காராம். இடைவேளை காட்சியிலயும், உச்சக்கட்ட காட்சியிலயும் கண்ணாடியில தெரியுற அவரோட நடிப்புத் திறமை, கதாபாத்திரத்தோட ஆழத்தை அப்படியேக் காட்டுதாம்!

"தான் மம்மூட்டியின் பையன் என்பதை நிரூபிச்சுட்டாரு"ன்னுச் சொல்லி ரசிகர்கள் பாராட்டுறாங்க. (கடந்த வருஷம் 'காந்தாரா' படத்துல ரிஷப் ஷெட்டிக்குக் கேட்ட மாதிரி, இவருக்கும் தேசிய விருது நிச்சயம்னு சொல்றாங்க!)

மற்றவர்களின் மிரட்டல் நடிப்பு

துல்கருக்கு பெரிய டப் கொடுக்குற மாதிரி, குரு கதாபாத்திரத்துல சமுத்திரக்கனி புகுந்து விளையாடி இருக்காராம்! இந்திய சினிமாவுல சிறந்தத் துணை நடிகரா அவர் உருவெடுத்துட்டாருன்னும் சொல்றாங்க! பாக்யஸ்ரீ என்ற இளம் நடிகை ஒரு புதுமையான கண்டுபிடிப்புன்னுப் பத்திரிகையாளர்கள் சொல்றாங்க. ஈகோ, சூழ்ச்சிக்குப் பக்கத்துல அவங்க அப்பாவித்தனம் தனிச்சுத் தெரியுதாம்!

ராணா

அதீதக் குணம் கொண்ட விசாரணை அதிகாரியா ராணா டகுபதி வந்து, இந்தப் படத்துக்குக் கூடுதல் மசாலா சேர்த்திருக்காராம். முதல் பாதி குரு-சிஷ்யன் ஈகோ, காதல்னுப் போக, இரண்டாம் பாதியில ஹிட்ச்காக் பாணியிலான விசாரணைத் த்ரில்லரா மாறி, இறுதிக் காட்சிப் பார்வையாளர்களை உணர்ச்சிவசப்பட வைக்குதாம்!

ஒளிப்பதிவு

1950களில் மெட்ராஸ் எப்படி இருந்ததுங்கிறதை அப்படியே கண்முன் கொண்டு வந்து நிறுத்தினதுல, டேனியல் சான்செஸ்-லோபஸின் ஒளிப்பதிவும், கலை இயக்குநரின் பங்களிப்பும் படத்துக்குப் பெரியப் பலம்! மொத்தத்துல, கடந்த வருஷம் 300 கோடி வசூல் பண்ண 'லோகா' படத்தைத் தயாரிச்ச துல்கர் சல்மான், இப்போ 'காந்தா' மூலமா இந்த வருஷத்துல ஒரு கிளாசிக் வெற்றியைக் கொடுத்திருக்காரு! கண்டிப்பா எல்லாரும் பார்க்க வேண்டிய படம் இதுன்னு 4 ஸ்டார் ரேட்டிங் கொடுத்திருக்காங்க!