Kombu Seevi Box Office: முதல் நாளே கலக்கிய கொம்பு சீவி! சண்முக பாண்டியன் படத்திற்கு கிடைத்த வசூல் இவ்வளவாம்!

சென்னை: நடிகர் விஜயகாந்தின் மகனான சண்முக பாண்டியன் நடித்த கொம்பு சீவி திரைப்படம் நேற்று டிசம்பர் 19ஆம் தேதி திரையரங்குகளில் வெளியானது.. இந்த திரைப்படத்தில் நடிகர் சரத்குமார் மற்றும் சண்முக பாண்டியன் இருவருடைய காம்போ ஆரம்பத்திலிருந்து பேசப்பட்டு வந்த நிலையில் படத்தின் முதல் நாள் விமர்சனமும் பாசிட்டிவ்வாக வருகிறது. இந்த நிலையில் இந்த படத்தின் முதல் நாள் வசூல் நிலவரம் பற்றி தகவல் வெளியாகி இருக்கிறது.

இயக்குனர் பொன்ராம் நடிகர் சிவகார்த்திகேயனை வைத்து வருத்தப்படாத வாலிபர் சங்கத்தை இயக்கி இருந்தார். அந்த திரைப்படம் அவருக்கு பெரிய அளவில் பெயர் வாங்கி கொடுத்தது. அதைத் தொடர்ந்து ரஜினி முருகன் உட்பட ஒரு சில திரைப்படங்களை இயக்கி இருந்தார். சிவகார்த்திகேயனின் வளர்ச்சிக்கு பொன்ராம் பங்களிப்பும் முக்கிய காரணமாக இருக்கிறது.

இப்போது அதேபோல நடிகர் சண்முக பாண்டியனின் வளர்ச்சிக்கும் பொன்ராமுடைய கொம்பு சீவி படம் உதவுமா? என்ற எதிர்பார்ப்பு ஆரம்பத்திலிருந்து வந்தது. இந்த படத்தில் நடிகர் சரத்குமார் முக்கிய வேடத்தில் நடித்திருக்கிறார். அதேபோல கதாநாயகியாக நாட்டாமை படத்தில் மூலம் பிரபலமான நடிகை ராணியின் மகளான தரணிக்காகவும் அறிமுகமாகி இருக்கிறார்.

Kombu Seevi: சண்முக பாண்டியன்- சரத் காம்போ செம! விஜயகாந்த் மகன்னு நிரூபிச்சிட்டாரு! கொம்பு சீவிக்கு எகிரும் பாராட்டு
கொம்பு சீவி படத்திற்கு யுவன் சங்கர் ராஜா இசை அமைத்திருக்கிறார். மீண்டும் மதுரை பின்னணியை கொண்டு ஒரு கிராமத்தில் நடக்கிறது. உண்மை கதையை கழுவி இந்த படம் எடுக்கப்பட்டதாகவும் கூறப்படுகிறது. அதோடு இந்த படத்திற்கு முதல் நாளே பாசிட்டிவான விமர்சனங்கள் வந்து கொண்டிருந்தது. இந்த படத்தில் காமெடி மற்றும் ஆக்சன் காட்சிகள் ரசிகர்கள் எதிர்பார்த்த அளவிருக்கு இருப்பதாகவும் கிளைமாக்ஸ் சூப்பராக இருக்கிறது என்றும் பலர் பாராட்டி இருந்தனர்.

இந்த நிலையில் இந்த படம் வெளியான முதல் நாளில் தமிழகத்தில் 30 லட்சம் வசூல் செய்திருக்கிறது என்று தகவல் வெளியாகி இருக்கிறது. இன்று சனிக்கிழமை மற்றும் நாளை ஞாயிற்றுக்கிழமை விடுமுறை நாட்கள் என்பதால் வசூல் இன்னும் அதிகரிக்க வாய்ப்பு இருக்கிறது.

English summary

Kombu Seevi First Day Box Office Collection: The Tamil film Kombu Seevi, starring Shanmuga Pandian—son of late actor Vijayakanth—hit theatres on December 19 and has opened to encouraging responses. Directed by Ponram, known for films like Varuthapadatha Valibar Sangam and Rajinimurugan, the movie features veteran actor Sarathkumar in a key role, making their on-screen combination a major talking point even before release.Set against a Madurai village backdrop and said to be inspired by real events, Kombu Seevi blends action, comedy, and emotional elements. Music for the film is composed by Yuvan Shankar Raja, while the female lead marks the debut of Dharani, daughter of actress Rani from Nattamai fame. Early reviews have praised the film’s engaging screenplay, well-balanced comedy and action sequences, and a strong climax.According to reports, Kombu Seevi has collected around ₹30 lakhs in Tamil Nadu on its first day. With the release coinciding with the weekend, trade circles expect the film’s box office numbers to see further growth over Saturday and Sunday, potentially giving Shanmuga Pandian a significant boost in his acting career.