LIK Review: லவ் இன்சூரன்ஸ் கம்பெனி எப்படி இருக்கு? கலக்கியதா? குழப்பியதா? விமர்சனம் இதோ

சென்னை: விக்னேஷ் சிவன் இயக்கத்தில், பிரதீப் ரங்கநாதன் நடிப்பில் உருவான 'லவ் இன்சூரன்ஸ் கம்பெனி' (LIK) படம் இன்று உலகம் முழுவதும் திரையரங்குகளில் வெளியாகியுள்ளது. இப்படத்தில் கிரித்தி ஷெட்டி, எஸ்.ஜே. சூர்யா, சீமான், யோகி பாபு, கெளரி கிஷன், ஆனந்தராஜ் உள்ளிட்ட பலர் நடித்திருக்காங்க. அனிருத் இசை அமைத்துள்ள இந்த படம், ரொமான்டிக்-ஃபேண்டஸி ஜானரில் உருவாகி இருக்கிறது. இந்தப் படத்தின் ட்விட்டர் ரிவ்யூவை (Love Insurance Company (LIK) Review) இதில் பார்க்கலாம்.

படத்தின் பிரச்சனை

இந்த படம் ஆரம்பத்திலிருந்து பல தடைகளை சந்தித்தது. முதலில் சிவகார்த்திகேயன் நடிக்க இருந்தது, பிறகு மாற்றம், ரிலீஸ் தேதிகள் தொடர்ந்து மாற்றம் என இப்படி நீண்டநாளாக கிடப்பில் இருந்த படம் தான் LIK. இறுதியாக ஏப்ரல் 10ஆம் தேதி திரைக்கு வந்திருக்கு.

லவ் இன்சூரன்ஸ் கம்பெனி பட கதை

இப்போ முக்கியமான விஷயம், படம் எப்படி இருக்குன்னு நெட்டிசன்கள் என்ன சொல்றாங்கன்னு பாத்தா கலந்த விமர்சனம்தான் அதிகம். முதலில் பாசிட்டிவ் பக்கம் பார்த்தா, 2040ம் ஆண்டை பின்னணியாக கொண்டு உருவாக்கப்பட்டிருக்கும் இந்த படம், அதற்கான விஷுவல்ஸ், கலர்ஃபுல்லான காட்சிகள், உலக அமைப்பு என இதெல்லாம் பலருக்கும் பிடிச்சிருக்குது.

LIK பிளஸ் பாயிண்ட்

கிரித்தி ஷெட்டியின் அறிமுக காட்சி, பிரதீப் - எஸ்.ஜே. சூர்யா மோதல் சீன்கள், யோகி பாபுவின் காமெடிகள் நல்ல ரெஸ்பான்ஸ் வாங்கி இருக்கு. குறிப்பாக அனிருத் இசை, பின்னணி இசை மற்றும் பாடல்கள் படத்துக்கு பெரிய பலம்னு பலர் சொல்லி இருக்காங்க. முதல் பாதி ஜாலியா போகுது, லைட் ஆக எண்டர்டெயின் பண்ணுது என்ற கருத்தும் அதிகமா வருகிறது.

மைனஸ் இருக்கு

ஆனா நெகட்டிவ் பக்கம் வந்துட்டா, இரண்டாம் பாதிதான் படத்துக்கு பெரிய சிக்கல் என்று பலர் சொல்றாங்க. கதை எங்கோ நின்று போகும் மாதிரி, தேவையில்லாம நீளுது என்ற உணர்வு வந்துருச்சு என்று விமர்சனங்கள் இருக்கிறது. நல்ல கான்செப்ட் இருந்தும் அதை முழுமையாக பயன்படுத்தல என்ற குறையும் சொல்லப்படுகிறது.

விக்னேஷ் சிவனின் நரேஷன் சில இடங்களில் சரியாக வேலை செய்யவில்லை, சில காட்சிகள் லாஜிக் இல்லாம இருக்குது என்ற கருத்தும் வெளிவந்துருக்கு. அதே சமயம், பிரதீப் ரங்கநாதன் தனது நடிப்பாலும், காமெடி டைமிங்காலும் படத்தை ஓரளவு காப்பாற்றுறார் என்பதும் ரசிகர்கள் சொல்லும் விஷயம்.

மொத்தத்தில் பார்த்தா, 'லவ் இன்சூரன்ஸ் கம்பெனி' படம் ஒரு நல்ல ஐடியா இருந்தும், அதைக் முழுசாக திரையில் கொண்டு வர முடியாமல் போன படம் மாதிரி தான் பலர் கருத்து. சிலருக்கு இது லைட் எண்டர்டெயின்மென்ட், ஒரு தடவை பார்க்கலாம் என்ற அளவுக்கு இருக்குன்னு தோணுது.

அதே நேரத்தில், இன்னொரு பகுதி ரசிகர்கள், "படம் முழுக்க ஈர்க்கவில்லை... சராசரிக்கும் கீழே தான்"ன்னு நேரடியாக சொல்லி இருக்காங்க. இப்போ நிலைமை என்னனா? விக்னேஷ் சிவன் - பிரதீப் ரங்கநாதன் கூட்டணி பெரிய ஹிட் கொடுத்ததா? இல்ல ஒரு மிஸ் ஆயிடுச்சா?ன்னு ரசிகர்கள் இன்னும் டிவைடட் ஆகி இருக்காங்க.

அதனால், LIK படம் குறித்து ஒரே லைன்ல சொல்லணும்னா.. விஷுவல்ஸ், மியூசிக், சில காமெடி சீன்கள் ஹைலைட்... ஆனா ஸ்ட்ராங் ஸ்கிரிப்ட் இல்லாததால் முழு பட அனுபவம் எல்லாருக்கும் வேலை ஆகலை.

English summary

Love Insurance Company (LIK), directed by Vignesh Shivan and starring Pradeep Ranganathan, has finally hit theatres worldwide after multiple delays.Set in the year 2040, the film blends romance and fantasy with a visually rich backdrop. Audiences have appreciated the colorful visuals, unique world-building, and the overall futuristic setting. Performances by Krithi Shetty, S. J. Suryah, and comedian Yogi Babu have received positive feedback, especially for their screen presence and entertaining moments.Music composed by Anirudh Ravichander is considered one of the film’s biggest strengths, with both songs and background score enhancing the viewing experience. The first half is described as light-hearted and engaging, with decent comedy and pacing.However, the second half has drawn criticism for its weak screenplay and lack of clarity. Many viewers feel the story loses direction, becomes unnecessarily lengthy, and fails to fully utilize its promising concept. Some scenes are also criticized for lacking logic, affecting the overall narrative flow.Despite these flaws, Pradeep Ranganathan’s performance and comic timing are said to hold the film together to an extent.Overall, Love Insurance Company delivers a mix of engaging visuals, music, and humor but falls short due to a weak script. While some viewers consider it a one-time watch entertainer, others feel it does not meet expectations, resulting in a divided response among audiences.