Parasakthi Day 9 Collection: பராசக்தி 9வது நாளிலும் இத்தனை கோடி வசூல்.. சிவகார்த்திகேயனின் பாக்ஸ் ஆபீஸ் ‘தீ’

சென்னை: "பராசக்தி" படத்தைப் பற்றி ஆரம்பத்தில் அதிகம் பேசப்பட்டது விமர்சனம்தான். 'சுதா கொங்கரா இந்த கதையை இன்னும் வலுவாக சொல்லியிருக்கலாமே', 'திரைக்கதையில் சறுக்கல்'ன்னு பல கருத்துகள் வந்தன. ஆனாலும் படம் வெளியான சில நாட்களுக்குப் பிறகு பேசப்படும் மைய விஷயம் மெல்ல மாற ஆரம்பிச்சது. அது வேற எதுவும் இல்ல... வசூல் நிலவரம் தான்.

இந்த படம் ரிலீஸுக்கு முன்னாடியே ஒரு பெரிய அட்வான்டேஜ் இருந்தது. சுதா கொங்கரா - சிவகார்த்திகேயன் காம்போ. அதுவும் 60களில் நடந்த ஹிந்தி திணிப்பு எதிர்ப்பு போராட்டம் மாதிரியான சென்சிடிவ் ஆன, அதே நேரம் உணர்ச்சிப்பூர்வமான ஒரு விஷயம். இதனால் முதல் நாளிலேயே தியேட்டர்களில் நல்ல கூட்டம். "விமர்சனம் எப்படி இருந்தாலும் முதலில் படம் பார்க்கணும்"ன்னு வந்த ரசிகர்களால ஓப்பனிங் ஸ்ட்ராங் ஆக அமைந்தது.

அதுக்கு சரியான உதாரணம்தான் முதல் இரண்டு நாட்களிலேயே வெளியான வசூல் அப்டேட். இரண்டு நாளில் 50 கோடியை தாண்டியதாக தயாரிப்பு நிறுவனம் அதிகாரப்பூர்வமாக அறிவித்தது. அந்த அறிவிப்பு வந்த உடனே படம் பற்றிய பேச்சு வேற திசைக்கு திரும்பியது. 'கலவையான விமர்சனம் பெற்ற படம் இப்படி வசூல் பண்ணுதா?'ன்னு பலரும் ஆச்சரியப்பட்டாங்க.

அதுக்குப் பிறகு தான் உண்மையான சோதனை ஆரம்பிச்சது. மூன்றாம் நாள், நான்காம் நாள்... வேர்டு ஆஃப் மவுத் தான் ஒரு படத்தை காப்பாத்துமா, இல்ல மூழ்கடிக்குமா என்பதை முடிவு செய்யும். "பராசக்தி"யின் விஷயத்தில் அந்த வேர்டு ஆஃப் மவுத் முழுக்க நெகட்டிவ் ஆக மாறல. சில குறைகள் இருந்தாலும், சிவகார்த்திகேயன் - ரவி மோகன் நடிப்பு, குறிப்பாக அவர்களுக்குள்ள மோதல் காட்சிகள், ரசிகர்களை தியேட்டருக்குள் தக்க வைத்துக்கொண்டே இருந்தது.

இதனால்தான் படம் திடீர்னு ட்ராப் ஆகல. ஒவ்வொரு நாளும் வசூல் குறைந்தாலும், அது அபாய நிலைக்கு போகவில்லை. குறிப்பாக ஒன்பதாவது நாளிலும் சுமார் 2.9 கோடி ரூபாய் வசூல் செய்திருப்பதாக தகவல் வெளியானது. இது ஒரு முக்கியமான பாயிண்ட். ஏனெனில் கலவையான விமர்சனம் பெற்ற பல படங்கள் ஒரு வாரத்துக்குள்ளேயே தினசரி வசூலில் பெரிய சரிவை சந்தித்திருக்கும். ஆனால் "பராசக்தி" அந்த கட்டத்தை கடந்து நிற்கிறது.

மொத்தமாக பார்த்தால், ஒன்பது நாட்களில் இந்திய அளவில் படம் சுமார் 49 கோடி ரூபாய் வசூல் செய்திருக்கிறது என சொல்லப்படுகிறது. முழுக்க முழுக்க பாசிட்டிவ் விமர்சனம் பெற்ற சூப்பர் ஹிட் படம் மாதிரி இது இல்லை. அதே நேரத்தில் தோல்வி படம் என ஒதுக்கிவிடக்கூடிய வசூலும் இல்லை. இது தான் இந்த படத்தின் சுவாரஸ்யமான விஷயம்.

அதனால்தான் இப்போ சினிமா வட்டாரத்தில் "பராசக்தி"யை ஒரு 'வசூல் சர்ப்ரைஸ்' படமா தான் பார்க்குறாங்க. விமர்சனம் கலவையாக இருந்தாலும், ஆரம்ப ஓப்பனிங், நடிகர் பலம், அரசியல் பின்னணி கொண்ட கதை என்ற க்யூரியாசிட்டி... இந்த மூன்றும் சேர்ந்து படத்தை பாக்ஸ் ஆபிஸில் ஓட வைக்குது.

இனி வரும் நாட்களில் வசூல் எந்த அளவுக்கு தன்னை நீட்டிக்கப்போகுது என்பதுதான் அடுத்த பெரிய கேள்வி. ஆனால் இதுவரை பார்த்த வரைக்கும், "பராசக்தி" விமர்சனங்களை விட வசூலில் அதிகம் பேசப்படுற படமாக மாறியிருப்பது தான் நிஜம்.

English summary

Parasakthi Day 9 Collection: While Parasakthi initially faced mixed reviews questioning its screenplay strength and narrative depth, the film has steadily shifted the conversation toward box office numbers. Backed by the powerful Sudha Kongara–Sivakarthikeyan combination and a politically sensitive storyline rooted in the 1960s anti-Hindi imposition movement, the film opened to strong theatrical footfalls. The makers officially announced that Parasakthi crossed the ₹50 crore mark within just two days, surprising trade circles given the divided critical response. As the days progressed, collections saw a gradual decline but avoided a sharp fall. Performances by Sivakarthikeyan and Ravi Mohan, particularly their intense confrontation scenes, played a key role in sustaining audience interest. On its ninth day, the film reportedly earned around ₹2.9 crore, taking the total India-wide collection close to ₹49 crore. Though Parasakthi may not qualify as a unanimous blockbuster, it has successfully defied early criticism and emerged as a notable box office surprise, proving that strong openings, star power, and thematic curiosity can keep a film afloat beyond reviews.