கூலியை மிரள வைத்த பராசக்தி ட்ரெய்லர்.. சிவகார்த்திகேயனுக்கு எகிறும் மவுசு.. ரிப்போர்ட்டை பாருங்க!

சென்னை: தமிழ் சினிமாவில் பொங்கல் திருவிழா நெருங்கி வரும் நிலையில், வெளியாகும் ஒவ்வொரு ட்ரெய்லரும் ரசிகர்களிடையே பெரும் எதிர்பார்ப்பையும் விவாதங்களையும் உருவாக்கி வருகிறது. அந்த வகையில், சிவகார்த்திகேயன் நடிப்பில் சுதா கொங்கரா இயக்கியுள்ள "பராசக்தி" திரைப்படத்தின் ட்ரெய்லர், வெளியான சில மணி நேரங்களிலேயே யூடியூபில் 29 மில்லியன் பார்வைகளை கடந்துள்ளது.

இந்த சாதனை, முன்னதாக வெளியான ரஜினிகாந்த் நடித்த "கூலி" திரைப்பட ட்ரெய்லரின் பார்வை எண்ணிக்கையுடன் ஒப்பிடப்பட்டு, தற்போது சமூக வலைதளங்களில் பரபரப்பாக பேசப்பட்டு வருகிறது.

கூலி vs பராசக்தி

ரஜினிகாந்த் நடித்த "கூலி" ட்ரெய்லர்", 5 மாதங்களுக்கு முன் வெளியானது. தற்போது வரை 28 மில்லியன் பார்வைகளை பெற்றுள்ளது. அதே நேரத்தில், "பராசக்தி" ட்ரெய்லர், வெளியான 20 மணி நேரங்களுக்குள் 29 மில்லியன் பார்வைகளை கடந்து சாதனை படைத்துள்ளது. இந்த வேகமான வளர்ச்சியே "கூலியை மிரள வைத்த பராசக்தி ட்ரெய்லர்" என்ற தலைப்பை உருவாக்கியுள்ளது.

பராசக்தி ட்ரெய்லர்

பராசக்தி ட்ரெய்லரில், இந்தி திணிப்புக்கு எதிரான கருத்துகள், மாணவர் அரசியல், மொழி - அடையாளம் - உரிமை போன்ற விஷயங்கள் தெளிவாகவும் நேரடியாகவும் முன்வைக்கப்பட்டுள்ளன.

"டெல்லிதான் இந்தியாவா?", "எங்களுக்கு எதிரி இந்தி திணிப்பு தான், இந்தி மொழி பேசும் மக்கள் இல்லை", என் செந்தமிழை காக்க பெரும் சேனை உண்டு போன்ற வசனங்கள் ட்ரெய்லரில் இடம்பெற்று, ரசிகர்களிடையே பெரும் விவாதத்தை ஏற்படுத்தியுள்ளது.

சிவகார்த்திகேயனின் புதிய பரிமாணம்

இதுவரை குடும்ப ரசிகர்களின் ஹீரோவாக பார்க்கப்பட்ட சிவகார்த்திகேயன், இந்த படத்தில் முழுமையான அரசியல் - போராட்டம் நிறைந்த கதாபாத்திரத்தில் தோன்றுவது ரசிகர்களுக்கு ஆச்சரியத்தையும் உற்சாகத்தையும் ஏற்படுத்தியுள்ளது. மேலும், அதர்வா வில்லன் வேடத்தில் ரவி மோகன் தமிழில் முதல் முறையாக ஸ்ரீலீலா என பலரும் ட்ரெய்லரில் கவனம் ஈர்த்துள்ளனர்.

கூலி ரசிகர்களின் கருத்து

ரஜினிகாந்த் நடித்த கூலி ட்ரெய்லர் வெளியான போது, ஸ்டைலிஷ் மேக்கிங் மாஸ் பிரசென்ஸ, ரஜினியின் லுக் ஆகியவை ரசிகர்களிடம் பெரும் வரவேற்பை பெற்றது. ஆனால் தற்போது பராசக்தி ட்ரெய்லரின் வேகமான பார்வை எண்ணிக்கை, ரஜினி ரசிகர்களிடையே கூட ஆச்சரியத்தை ஏற்படுத்தியுள்ளது.

சிலர், "இது வியூஸ் எண்ணிக்கை மட்டும்தான் அதற்கு காரணம் கூட விஜய் ரசிகர்கள் தான் என்று உருட்டி வருகின்றனர். காரணம் விஜய் ரசிகர்கள் பராசக்தி ட்ரெய்லரில் என்ன இருக்கு? அதை வைத்து கலாய்க்கலாம் என்று மீண்டும் மீண்டும் பார்த்து வருவதாலயே இந்த ட்ரெய்லருக்கு மவுசு அதிகரிக்கிறது என்ற கருத்தும் இருக்கிறது.

சமூக வலைதளங்களில் தீவிர விவாதம்

ட்விட்டர் (X), இன்ஸ்டாகிராம், யூடியூப் போன்ற தளங்களில், #ParasakthiTrailer, #CoolieTrailer, #SKvsRajini என்ற ஹேஷ்டேக்குகள் ட்ரெண்ட் ஆகி வருகின்றன. ஒரு பக்கம் ஜனநாயகன் vs பராசக்தி என்று போட்டி இருக்கும் நிலையில் இப்போது பராசக்தி vs கூலி என்ற போட்டியும் உருவாகி இருக்கிறது.

English summary

Parasakthi: With the Pongal festival approaching, every major Tamil film trailer is drawing huge attention, and Sivakarthikeyan’s Parasakthi, directed by Sudha Kongara, has created a major buzz. Within just 20 hours of release, the trailer crossed 29 million views on YouTube, overtaking Rajinikanth’s Coolie trailer, which gathered 28 million views over five months. This rapid rise has sparked widespread comparisons between the two films online. The Parasakthi trailer stood out for its strong political tone, student movements, and bold dialogues opposing Hindi imposition while emphasizing language, identity, and rights. Sivakarthikeyan’s transformation into a politically intense character impressed audiences, alongside notable performances by Atharvaa, Ravi Mohan in a negative role, and Sreeleela making her Tamil debut. While Coolie was celebrated for Rajinikanth’s mass appeal and stylish presentation, Parasakthi’s explosive viewership growth has surprised even Rajini fans, leading to debates about fan-driven views and rival fandoms. As hashtags like #ParasakthiTrailer and #CoolieTrailer trend across platforms, a new comparison battle has emerged alongside the ongoing Pongal box-office race.