Vikranth : சதம் அடித்து CCl match-ல் மாஸ் காட்டிய விக்ராந்த்! அண்ணன் விஜய் ஸ்டைலில் கலக்கல், குவியுது வாழ்த்து
சென்னை: திரை உலகத்தில் சில உறவுகள் எப்போதும் ரசிகர்களுக்கு ஸ்பெஷல். அந்த வரிசையில் நேற்றிலிருந்து பேசப்படும் உறவு என்றால், நடிகர் விஜய் மற்றும் அவரது சித்தி மகன் நடிகர் விக்ராந்த். ஒரே குடும்பம், ஒரே சினிமா பின்னணி... ஆனாலும் இருவரும் தங்களுக்கென தனித்தனி பாதையை உருவாக்கியவர்கள். விஜய் திரையுலகின் உச்சத்தில் இருக்கும் நேரத்தில், விக்ராந்த் சினிமா மற்றும் விளையாட்டு மேடையிலும் தன் அடையாளத்தை பதித்து வருகிறார்.
அந்த அடையாளத்தை இன்னும் ஒரு கட்டம் மேலே கொண்டு சென்ற சம்பவம்தான், நேற்று நடைபெற்ற செலிபிரிட்டி கிரிக்கெட் லீக் (CCL) போட்டி.
ஒவ்வொரு ஆண்டும் ரசிகர்களை உற்சாகத்தில் ஆழ்த்தும் CCL தொடர், இந்த ஆண்டும் பெரிய எதிர்பார்ப்போடு நடந்து வருகிறது. சென்னை கிங்ஸ், கர்நாடகா புல்டோசர்கள், தெலுங்கு வாரியர்ஸ், மும்பை ஹீரோஸ், பஞ்சாப் தே ஷெர், பெங்கால் டைகர்ஸ், போஜ்புரி தபாங்ஸ், கேரளா ஸ்டைகர்ஸ் என 8 அணிகள் களமிறங்கி ரசிகர்களுக்கு திருவிழா விருந்தை கொடுத்து வருகின்றன.
இந்த தொடரில், சென்னை கிங்ஸ் அணியின் கேப்டனாக விக்ராந்த் செயல்பட்டு வருவது ஏற்கனவே கவனம் பெற்ற விஷயம். ஆனால் நேற்று நடந்த போட்டி, அவரை வெறும் நடிகர் அல்லது கேப்டன் என்ற வரையறையை தாண்டி, ஒரு முழுமையான "பெர்ஃபார்மர்" ஆக ரசிகர்களின் மனதில் பதித்தது.
நேற்றைய போட்டியில், சென்னை கிங்ஸ் அணியை வெற்றிப்பாதைக்கு அழைத்துச் சென்றது விக்ராந்தின் அதிரடியான பேட்டிங். பொறுப்புடன் விளையாடி, அதே சமயம் தாக்குதலையும் குறைக்காமல் விளையாடிய அவர், அசத்தலான சதம் ஒன்றை பதிவு செய்தார். கேப்டனாக அணியை வழிநடத்தி, வீரராக முன்னணியில் நின்று போராடிய அவரது ஆட்டம், ரசிகர்களிடமிருந்து பெரிய பாராட்டுகளை பெற்றது.
ஆனால் அந்த சதத்தை விட, அனைவரையும் அதிகமாக கவர்ந்த விஷயம்-அந்த சதத்துக்குப் பிறகான கொண்டாட்டம்.
சதம் அடித்தவுடன், விக்ராந்த் மைதானத்தில் செய்த ரியாக்ஷன், ரசிகர்களுக்கு உடனே ஒரே விஷயத்தை நினைவூட்டியது "மெர்சல் விஜய்". விஜய் படங்களில் பார்க்கும் அந்த ஸ்டைலிஷ், கம்பீரமான, கண்ணசைவுடன் கூடிய கொண்டாட்டம்... அப்படியே விக்ராந்தின் ரியாக்ஷனில் வெளிப்பட்டது.
"இது விக்ராந்த் மட்டும் இல்ல... விஜயோட ரத்தம் பேசுது"ன்னு ரசிகர்கள் கமெண்ட் போட ஆரம்பிச்சுட்டாங்க.
அந்த வீடியோ சமூக வலைதளங்களில் வெளியான சில மணி நேரங்களிலேயே வைரலாகி, லட்சக்கணக்கான பார்வைகளை குவித்தது. தளபதி ஸ்டைல் ரியாக்ஷன், "அண்ணன் இல்ல... மாமன் இல்ல... தம்பி தான்" "விஜய் ஸ்க்ரீன்ல, விக்ராந்த் கிரவுண்ட்ல" அப்படின்னு ரசிகர்கள் அந்த வீடியோவை பகிர்ந்து கொண்டே கொண்டாடி வருகிறார்கள்.
இதனால், மீண்டும் ஒரு முறை விஜய் - விக்ராந்த் உறவு பற்றிய பேச்சு சமூக வலைதளங்களில் தீவிரமாக ஆரம்பிச்சிருக்குது. விஜய் சினிமாவில் மாஸ் ஹீரோவாக ரசிகர்களை ஆட்சி செய்து வர, விக்ராந்த் கிரிக்கெட் மைதானத்தில் அதே மாஸ் உணர்வை கொண்டு வருகிறார் என்பதே ரசிகர்களின் கருத்து.
மொத்தத்துல, நேற்றைய CCL போட்டி ஒரு கிரிக்கெட் மேட்ச் மட்டும் இல்லை. அது விக்ராந்த் என்ற நடிகரின் தலைமைத்துவம், ஒரு வீரரின் திறமை, மற்றும் விஜய் குடும்பத்துக்கே உரிய அந்த மாஸ் ரியாக்ஷன்-இவை எல்லாம் சேர்ந்த ஒரு memorable moment ஆக மாறியுள்ளது.
இனி வரும் போட்டிகளில் சென்னை கிங்ஸ் அணி எப்படிப் போகும் என்பதை விட, "விக்ராந்த் அடுத்ததாக என்ன மாதிரியான மாஸ் தரப்போகிறார்?" என்பதே ரசிகர்களின் எதிர்பார்ப்பாக மாறியிருக்கிறது.
Click it and Unblock the Notifications
Sign in with Google