அமெரிக்கா: வால்மார்ட் கடைகளில் மாத்திரை வடிவில் விற்பனைக்கு வந்த மஞ்சள் தூள்!
-சதுக்கபூதம்
மஞ்சளின் மருத்துவ குணத்தை இந்தியர்கள் பல நூற்றாண்டுக்கு முன்பே கண்டறிந்து விட்டனர். தமிழர்களின் உணவு பழக்கவழக்கங்களில் மஞ்சள் ஒரு முக்கிய பங்கை ஆற்றி வருகிறது.
உணவோடு உட்கொள்வது மட்டும் அல்லாமல் பெண்கள் உடம்பின் மேல் பூசி குளிக்கவும் பல காலமாக பயன் படுத்துகிறார்கள். மஞ்சள் பற்றிய குறிப்புகள் சங்கத்தமிழ் இலக்கியங்களிலேயே வந்துள்ளது குறிப்பிடத்தக்கது.
மஞ்சளின் மகிமை:
குஞ்சி யழகும் கொடுந்தானைக் கோட்டழகும
மஞ்சள் அழகும் அழகல்ல - நெஞ்சத்த
நல்லம்யாம் என்னும் நடுவு நிலைமையால
கல்வி அழகே அழகு. - நாலடியார்
புற்று நோய், நீரழிவு நோய்க்கு மருந்து:
இன்றைய விஞ்ஞானமும் மஞ்சளுக்கு புற்று நோய், நீரழிவு நோய், மூட்டு வலி போன்ற நோய்களுக்கு நோய் எதிர்ப்பு தன்மையும், கிருமி நாசினி தன்மையும் இருப்பதாக தெரிவிக்கிறது.
வால்மார்ட் கடைகளில்:
தற்போது அமெரிக்காவில் வால்மார்ட் கடைகளில் இந்த மஞ்சத்தூள் Food Supplement பகுதியில் காப்சூலாக கிடைக்கிறது. மஞ்சத்தூளை 500 மில்லிகிராம் அளவு சிறு காப்சூல்களில் அடைத்து விற்கிறார்கள். தினமும் ஒரு காப்சூல் சாப்பிட வேண்டுமாம்.
லேபிலில் தவறாமல் மஞ்சளின் உபயோகத்தை இந்தியாவில் பல காலமாக உபயோகிப்பது பற்றி தெரிவிக்கபட்டிருந்தது.
நம் முன்னோர்களின் கண்டுபிடிப்பு:
சில வருடங்களுக்கு முன் மஞ்சளை காப்புரிமை பெற்று தனியுடமை கொண்டாட சிலர் முயன்றதாக குற்றசாட்டு வைக்கப்பட்டது. அது போல் இல்லாமல் உலக மக்கள் அனைவருக்கும் நம் முன்னோர்களின் கண்டுபிடிப்பு தடையின்றி சென்றடைந்து பயனுள்ளதாக இருந்தால் மகிழ்ச்சியே!