ரஷ்யாவுக்கு ஆதரவாய் உக்ரைன் கடற்படை தளபதி
இதற்கிடையே உக்ரைன் கடற்படையின் புதிய தலைவராக பொறுப்பேற்ற அட்மிரல் டெனிஸ் பெரேஸோவ்ஸ்கி ரஷ்யாவுக்கு ஆதரவாக செயல்படப் போவதாக அறிவித்து நிலைமையை மேலும் சிக்கலாக்கியிருக்கிறார். மேலும் உக்ரைன் ஆட்சியாளர்களின் கட்டளையை நிராகரிக்குமாறும் கடற்படையினருக்கு உத்தரவிட்டுள்ளார்.
இந் நிலையில் ரஷ்யாவில் வரும் ஜூன் மாதம் நடக்க இருந்த ஜி-8 அதிபர்கள் மாநாட்டை அமெரிக்கா, பிரான்ஸ், கனடா, இங்கிலாந்து ஆகியவை ரத்து செய்துவிட்டன. புடின் தனது நிலையில் பிடிவாதமாக இருப்பதால் இங்கிலாந்து பிரதமர் டேவிட் கேமரூன், ஜெர்மன் அதிபர் ஏஞ்சலா மெர்கல், போலந்து அதிபர் கோமோரோவ்ஸ்கி என பல நாட்டுத் தலைவர்களுடனும் தொலைபேசியில் ஆலோசனைகள் நடத்த ஆரம்பித்துள்ளார் ஒபாமா.
அதே நேரத்தில் ரஷ்யாவுக்கு எதிராக அமெரிக்கா தலைமையிலான நேடோ படையினரும் தயார் நிலைக்கு கொண்டு வரப்பட்டு வருகின்றனர். உக்ரைனுக்கு தங்களது ஆதரவை நேரில் தெரிவிக்க அமெரிக்க வெளியுறவு அமைச்சர் ஜான் கெர்ரி நாளை கிவ் நகருக்கு வரவுள்ளார்.