சிரியா

By A K Khan

Published: Thursday, October 24, 2013, 13:50 [IST]

Subscribe to Oneindia Tamil

சிரியா: சிரியாவில் அல் ஆசாதை ஆட்சியை விட்டு அகற்ற அமெரிக்கா, ஐரோப்பிய நாடுகள், கத்தார், துருக்கியுடன் இணைந்து செளதியும் களத்தில் உள்ளது. ஆனால், ரஷ்யாவின் ஆயுத உதவியோடும் லெபனானின் ஹிஸ்புல்லா படையினரின் உதவியோடும், ஈரானின் முழு ஆசிர்வாதத்தோடும் இதை எதிர்கொண்டு வருகிறார் அல் ஆசாத். தனது மக்கள் மீதே ரசாயான ஆயுதங்களை ஆசாத் பயன்படுத்தினாலும் கூட சிரியா மீது அமெரிக்கா நேரடியாக தாக்குதல் நடத்த முன் வரவில்லை. காரணம், ரஷ்யா போடும் முட்டுக்கட்டை மற்றும் எச்சரிக்கை.

சோவியத் யூனியன் சிதைவுக்குப் பிறகு உலகளவில் தனது முக்கியத்துவத்தை மீண்டும் நிலைநாட்டும் ஒரு களமாக சிரியாவை ரஷ்யா எடுத்துக் கொண்டுவிட்டதாதவே தோன்றுகிறது. இந்த நாட்டுக்கு எல்லா வகையான உதவிகளையும் ரஷ்யா செய்து வருகிறது, ஐ.நா. சபையில் சிரியாவுக்கு எதிராக அமெரிக்கா கொண்டு வந்த அத்தனை தீர்மானங்களையும் தனது 'வீட்டோ' அதிகாரம் மூலம் ரத்துவிட்டார் ரஷ்யாவின் விளாடிமீர் புடின்.

ஆசாதுக்கு எதிராக அல்-கொய்தா ஆதரவு படைகள் களமிறங்கியுள்ளதால், ஆசாதை எதிர்த்துப் போரிடுவது என்பது நம்மை நாமே எதிர்த்துப் போரிடுவதற்கு சமம் என்று அமெரிக்காவும் ஐரோப்பிய நாடுகளும் கருத ஆரம்பித்துள்ளன. இதனால் சிரியா மீது கடும் நடவடிக்கை வேண்டும் என்ற செளதியின் கோரிக்கையை காதில் வாங்க மறுக்கின்றன.

Published On October 24, 2013