20 நிமிடங்கள்தான் கோல்டன் ஹவர்! கார்டியாக் அரெஸ்ட் ஆனவுடனே சிபிஆர்.. ஹார்ட் அட்டாக் என்றால் என்ன?

சென்னை: கார்டியாக் அரெஸ்ட்டிற்கும் ஹார்ட் அட்டாக்கிற்கும் என்ன வித்தியாசம் உள்ளது என்பதை தெரிந்து கொள்ளுங்கள்.

நடிகர் மாரிமுத்து மாரடைப்பால் இன்று காலை காலமானார். அது போல் அண்மையில் ஆர்.எஸ்.சிவாஜியும் மாரடைப்பால் காலமானார். இளம் சீரியல் நடிகர் பவன் சிங் என மாரடைப்பு மரணங்கள் நிறைய நடக்கின்றன.

இந்த நிலையில் மாரடைப்புக்கும் ஹார்ட் அட்டாக்கிற்கும் என்ன வித்தியாசம் என்பதை தெரிந்துக் கொள்ளலாம். இது குறித்து அரசு யோகா மற்றும் இயற்கை மருத்துவம் மற்றும் மருத்துவமனையின் டாக்டர் ஒய் தீபா ஏற்கெனவே ஒன் இந்தியாவுக்கு அளித்த பேட்டியில் கூறியதாவது: மாரடைப்பு (கார்டியாக் அரெஸ்ட்) என்பது மிகவும் அவசர நிலையாகும். அதாவது இதய துடிப்பு நின்றுவிட்டது என்பதுதான் இதன் அர்த்தம். இதயத்துடன் நுரையீரலின் செயல்பாடும் நின்றுவிடும்.

இதனால் ஹார்ட் ரேட்டும், ரெஸ்பிரேட்டரி ரேட்டும் இருக்காது, மூச்சும் இருக்கவே இருக்காது, இதயத் துடிப்பு நின்றுவிடும். உடல் ஜில்லினு ஆகிவிடும். கண்களின் கருவிழி ஒரே இடத்தில் நின்றிருந்தால் நோயாளி இறந்துவிட்டார் என புரிந்து கொள்ளலாம். இதயம் துடிப்பது நின்று உடல் ஜில்லென ஆகி ஒருவர் மயங்கிவிட்டால் அவருக்கு சிபிஆர் சிகிச்சை உடனே கொடுக்கப்பட வேண்டும்.

இப்படி கொடுப்பதன் மூலம் இதய துடிப்பை கொண்டு வரலாம். உடனே நுரையீரலும் செயலாற்றும். நோயாளியின் கான்சியஸ்ஸை கூட திரும்ப கொண்டு வந்துவிடலாம். நெஞ்சு பகுதியில் எலும்புக் கீழ் உள்ளங்கைகளால் அழுத்தம் கொடுக்க வேண்டும். 15 முறை அழுத்தம் கொடுத்தல் வேண்டும். இரு முறை வாயோடு வாய் வைத்து சுவாசத்தை தர வேண்டும்.

இதயத்தின் செயல்பாடு நின்ற 15 நிமிடங்களில் நுரையீரலின் செயல்பாடும் நின்றுவிடும். இதன் பிறகு மூளையின் செயல்பாடு 5 நிமிடங்கள்தான் இருக்கும். அந்த 5 நிமிடங்களில் சிபிஆர் செய்தால் பிழைக்க வைக்க வாய்ப்பிருக்கிறது. ஹார்ட் அட்டாக்கும் அவசர நிலைதான். நம் உடலில் உள்ள ஒவ்வொரு உறுப்புகளுக்கும் ரத்தத்தை பம்ப் செய்து கொடுக்கிறது இதயம்.

ஆனால் இதயத்திற்கே ரத்தத்தை சப்ளை செய்வது கரோனரி ஆர்ட்ரி கொடுக்கிறது. கொழுப்பு நிறைய உணவுகளை உட்கொள்ளுதல், ரத்த அழுத்தம் அதிகரித்தல், உடற்பயிற்சி இல்லாமை, உடல் பருமன் போன்றவைகளால் இதயத்தில் உள்ள ரத்தக் குழாய்கள் முழுமையாக அடைபடும் போது நெஞ்சு வலி ஏற்படும். இடது புற தோள் பட்டை பகுதியில் வலி இருக்கும். மூச்சுத்திணறல், அதிக வியர்த்தல், தொண்டை அடைப்பது போல் இருக்கும். இதெல்லாம் ஹார்ட் அட்டாக்கின் அறிகுறிகளாகும். இந்த அறிகுறிகள் இருந்தால் உடனடியாக மருத்துவமனைக்கு அழைத்துச் சென்று காப்பாற்றிவிடலாம். இவ்வாறு டாக்டர் தீபா தெரிவித்துள்ளார்.

English summary

Do you know What are the differences of Cardiac arrest and Heart Attack?