குழந்தைபேறு கிடைக்க டீ, காபியை மறந்துடுங்க! ஆரோக்கியத்தை அள்ளித் தரும் சப்பாத்திக் கள்ளி! அருமருந்து

சென்னை: சப்பாத்திக் கள்ளி பழத்தில் நிறைய மருத்துவ குணங்கள் உள்ளன. வறண்ட நில தாவரத்தில் இருந்து கிடைக்கும் இந்த சப்பாத்தி கள்ளியில் என்னென்ன நன்மைகள் இருக்கின்றன தெரியுமா?

சப்பாத்திக் கள்ளி என்ற பெயரை சொன்னதும் நம் நினைவுக்கு வருவது பாலைவனம்தான். இந்த சப்பாத்திக் கள்ளிக்கு தண்ணீரே தேவையில்லை. அது பாட்டுக்கு வளர்ந்து விடும்.

இது நா வறட்சியை போக்க வல்லது. இதை ஆடு மேய்ப்பவர்கள் எடுத்து உண்பார்கள். வெயில் தாக்கத்திலிருந்து உடலை பாதுகாக்கும் சக்தி கொண்டது. ஆனால் இதைத் தவிர இவற்றில் பல்வேறு நன்மைகள் உள்ளன.

இந்த சப்பாத்திக் கள்ளியில் உள்ள பழம் தொடர்ந்து இருமலை போக்கும். கக்குவான் இருமலுக்கும் நல்லது. பருவகாலங்களில் ஏற்படும் வைரஸ் காய்ச்சலை எதிர்த்து போராடும். கண் பார்வையை மேம்படுத்தும். ஞாபக சக்தியை அதிகரிக்கும். உடல் எடையை கட்டுக்குள் வைத்திருக்கும். சர்க்கரை நோயாளிகள் உண்ணலாம்.

அது போல் வீக்கம் இருக்கும் இடங்களில் இதை பூசினால் எப்படிப்பட்ட வீக்கமும் குறைந்துவிடும். சப்பாத்திக் கள்ளி பழத்தில் பொட்டாசியம் அதிகம் உள்ளது. இதனால் ரத்த அழுத்தம் அதிகமாகாமல் சீராக இருக்கும். அத்துடன் ரத்த நாளங்களில் சேரும் கழிவுகளை அகற்றி இதய நோய்களை தடுக்கிறது.

இந்த பழத்தை பறிக்கும் போது ஜாக்கிரதையாக பறிக்க வேண்டும், கொஞ்சம் ஏமாந்தாலும் முட்கள் குத்திவிடும். இந்த பழத்தின் தோலை நீக்கிவிட்டு பண்ண வேண்டும். இல்லாவிட்டால் உதடுகள், ஈறுகள், தொண்டையில் முட்கள் சிக்கிக் கொள்ளும். இந்த சப்பாத்தி கள்ளியில் இருக்கும் ஜெல்லை எடுத்து அசுத்தமான நீரில் போட்டால் நீர் எல்லாம் சுத்தமாகிவிடும்.

இந்த சப்பாத்திக் கள்ளியுடன் வெள்ளைக்கல்லை அரைத்து போட்டால் அக்குளுக்குள் இருக்கும் கட்டி கறைந்துவிடும். இந்த பழத்தை நாகதாளி என்றும் அழைப்பார்கள். இதை சாப்பிட்டால் குரல்வளை, பித்தப்பை, மலக் குடல் சார்ந்த அனைத்து நோய்களும் நீங்கும். ரத்தம் கக்குதலும் தீரும். சப்பாத்தி கள்ளி பழத்தில் இருக்கும் நார்ச்சத்து கொழுப்புகளை கரைத்து வெளியேற்றி உடல் பருமனை குறைக்கிறது. கல்லீரல் பாதிப்பும் நீங்கும்.

கருப்பையில் சினை நீர் கட்டிகளை கரைப்பதற்கு இந்த சப்பாத்தி கள்ளி உதவும். இந்த பழத்தை சாப்பிட்டால் குழந்தைப்பேறு உண்டாகும். கரு முட்டை வளர்ச்சியும் சீராகும். அதுவும் கர்ப்ப காலத்தில் இந்த பழத்தை சாப்பிட்டு வந்தால் குழந்தை அழகாக பிறக்கும். இதை குங்குமப்பூவை விட இந்த சாப்பாத்திக் கள்ளி பழம் சிறந்தது என்பார்கள். விந்தணு உற்பத்திக்காக ஆண்களும் சாப்பிடலாம். ஆனால் இந்த பழத்தை சாப்பிடும் போது டீ, காபி கட்டாயம் தவிர்க்க வேண்டும்.

English summary

What are the health benefits of Chapathi Kalli?