வாரத்தில் ஒரு நாள் பப்பாளி காய் சாப்பிடுங்க! உடலில் நடக்கும் மேஜிக் இதுதான்!

பழுத்த பப்பாளி பழத்தின் சுவைக்கு நாம் அனைவரும் அடிமை. ஆனால் பப்பாளி காயில் ஒளிந்துள்ள மருத்துவ குணங்களை நம்மில் பலர் கவனிப்பதில்லை. கிராமப்புறங்களில் சாதாரணமாக கிடைக்கும் இந்த பப்பாளி காய், உண்மையில் ஒரு ஊட்டச்சத்து பெட்டகம் என்று சொன்னால் அது மிகையாகாது.

பப்பாளி காயில் வைட்டமின் ஏ, சி, ஈ மற்றும் பி காம்ப்ளக்ஸ் சத்துக்கள் நிறைந்துள்ளன. குறிப்பாக இதில் உள்ள 'பாப்பைன்' (Papain) எனும் என்சைம் செரிமான மண்டலத்தை சீராக வைக்க உதவுகிறது. வாரத்தில் ஒருமுறை இதனை உணவில் சேர்ப்பது ஆரோக்கியத்திற்கு பெரும் பலன் அளிக்கும்.

செரிமான கோளாறுகளுக்கு என்ட்கார்டு

பப்பாளி காயில் உள்ள பாப்பைன் என்சைம் புரதச் சத்துக்களை எளிதில் உடைக்க உதவுகிறது. இது செரிமான பாதையை சுத்தப்படுத்தி மலச்சிக்கல் மற்றும் வாயுத் தொல்லை போன்ற பிரச்சனைகளை வேரோடு நீக்க வல்லது. குடலில் உள்ள தேவையற்ற கழிவுகளை வெளியேற்ற இது சிறந்த மருந்தாகும்.

வாரத்தில் ஒரு நாள் பப்பாளி காயை கூட்டு அல்லது பொரியல் செய்து சாப்பிடலாம். இது குடல் புண்களை ஆற்றவும், செரிமான சக்தியை அதிகரிக்கவும் உதவும். குறிப்பாக அசைவ உணவுகளை அதிகம் உண்பவர்கள் இதனை சேர்த்துக் கொள்வது செரிமானத்திற்கு மிகவும் நல்லது.

உடல் எடையை குறைக்க உதவும் ரகசியம்

உடல் எடையை குறைக்க நினைப்பவர்களுக்கு பப்பாளி காய் ஒரு வரப்பிரசாதம். இதில் கலோரிகள் மிகக் குறைவு மற்றும் நார்ச்சத்து மிக அதிகம். இது நீண்ட நேரம் பசி எடுக்காமல் தடுத்து, தேவையற்ற நொறுக்குத் தீனி உண்பதை தவிர்க்க உதவுகிறது.

பப்பாளி காயில் உள்ள நார்ச்சத்து உடலில் உள்ள கெட்ட கொழுப்புகளை கரைக்க உதவுகிறது. இதனை மதிய உணவில் சேர்த்துக் கொள்வதன் மூலம் மெட்டபாலிசம் அதிகரித்து, உடல் எடை இயற்கையான முறையில் குறையத் தொடங்கும். இது ரத்தத்தில் உள்ள சர்க்கரை அளவையும் கட்டுக்குள் வைக்கிறது.

நோய் எதிர்ப்பு சக்தியை அதிகரிக்கும்

பப்பாளி காயில் வைட்டமின் சி மற்றும் ஆன்டி-ஆக்ஸிடன்ட்கள் அதிக அளவில் உள்ளன. இவை உடலில் உள்ள வெள்ளை ரத்த அணுக்களின் உற்பத்தியை அதிகரித்து நோய் எதிர்ப்பு மண்டலத்தை பலப்படுத்துகின்றன. அடிக்கடி சளி, காய்ச்சல் போன்ற பாதிப்புகளுக்கு உள்ளாவோர் இதனை உணவில் சேர்க்கலாம்.

இது உடலில் உள்ள நச்சுக்களை வெளியேற்றி ரத்தத்தை சுத்திகரிக்கிறது. சரும ஆரோக்கியத்திற்கும் பப்பாளி காய் மிகவும் சிறந்தது. இதனை தொடர்ந்து உட்கொள்வதன் மூலம் சருமம் பொலிவு பெறுவதுடன், முகப்பரு மற்றும் தழும்புகள் மறையத் தொடங்கும். இது இளமையை தக்கவைக்கவும் பெரிதும் உதவுகிறது.

யார் தவிர்க்க வேண்டும்?

பப்பாளி காய் ஆரோக்கியமானது என்றாலும் சில குறிப்பிட்ட நபர்கள் இதனை தவிர்ப்பது நல்லது. குறிப்பாக கர்ப்பிணிப் பெண்கள் பப்பாளி காயை கண்டிப்பாக தவிர்க்க வேண்டும். இதில் உள்ள லேடெக்ஸ் (Latex) கருப்பை சுருக்கத்தை ஏற்படுத்தி கருச்சிதைவுக்கு வழிவகுக்க வாய்ப்புள்ளது.

அதேபோல் தாய்ப்பால் கொடுக்கும் தாய்மார்கள் மற்றும் சிறுநீரகக் கல் பிரச்சனை உள்ளவர்கள் மருத்துவரின் ஆலோசனைக்குப் பின்பே இதனை உட்கொள்ள வேண்டும். ரத்தத்தை மெலிதாக்கும் மருந்துகளை உட்கொள்பவர்களும் பப்பாளி காயை தவிர்ப்பது பாதுகாப்பானது. ஒவ்வாமை பிரச்சனை உள்ளவர்கள் கவனமாக இருக்க வேண்டும். இந்த பப்பாளி காய் கலர்கலராக கேக்குகளில் கலந்திருக்கும். இது டிரை ஃப்ரூட்ஸ் கடைகளில் கிடைக்கிறது.

பொறுப்பு துறப்பு: இந்தச் செய்தி உங்கள் புரிதலுக்காகவும் பொதுவான தகவல்களை வழங்குவதற்காகவும் மட்டுமே பகிரப்பட்டுள்ளது. இதனை மருத்துவ ஆலோசனையாகக் கருதக்கூடாது. ஏதேனும் ஆரோக்கிய பாதிப்புகள் இருந்தால் உடனடியாக உங்கள் மருத்துவரை அணுகி ஆலோசனை பெறுவது அவசியம்.