Accenture வேலைவாய்ப்பு.. சென்னை - கோவையில் பணி நியமன வாய்ப்பு.. அசத்தல் சம்பளம்
சென்னை: பிரபல ஐடி நிறுவனமான Accenture-ல் கைநிறைய சம்பளத்துடன் புதிய பணியிடம் குறித்த விபரம் வெளியாகி உள்ளது. இந்த பணிக்கு விண்ணப்பம் செய்வோர் சென்னை, கோவையில் நியமனம் செய்யப்பட உள்ளனர்.
முன்னணி ஐடி நிறுவனமான ஆக்சென்ச்சர் (Accenture) இந்தியாவில் பல்வேறு இடங்களில் செயல்பட்டு வருகிறது. தமிழகத்தில் 2 இடங்களில் ஆக்சென்ச்சர் நிறுவனம் இயங்கி வருகிறது.
அதன்படி தலைநகர் சென்னை மற்றும் கோவையில் ஆக்சென்ச்சர் நிறுவனம் செயல்படுகிறது. இதுதவிர வெளிமாநிலங்களிலும் இந்த நிறுவனம் இயங்கி வருகிறது.
இத்தகைய சூழலில் தான் ஆக்ச்சென்ச்சர் நிறுவனத்தில் புதிய வேலைவாய்ப்பு குறித்த அறிவிப்பு என்பது வெளியாகி உள்ளது. அதாவது ஆக்சென்ச்சர் நிறுவனத்தில் சிஸ்டம் மற்றும் அப்ளிகேஷன் சர்வீசஸ் அசோசியேட் (System and Application Services Associate) பணிக்கு ஆட்கள் தேர்வு செய்யப்பட உள்ளன.
இந்த பணிக்கு விண்ணப்பம் செய்வோர் பிஎஸ்சி, பிசிஏ, பிபிஏ, பிஏ, பிகாம் உள்ளிட்ட படிப்புகளை முடித்தவர்களும், பிஇ, பிடெக், எம்இ, எம்டெக், எம்சிஏ, எம்எஸ்சி இன்பர்மேஷன் டெக்னாலஜி மற்றும் கம்ப்யூட்டர் சயின்ஸ் உள்ளிட்ட படிப்புகளை 2021, 2022, 2023, 2024 ஆகிய ஆண்டுகளில் முடித்தவர்கள் விண்ணப்பம் செய்யலாம்.
இதுதவிர சம்பந்தப்பட்ட பணிக்கு 0-11 மாதம் பணி அனுபவம் கொண்டவர்கள் விண்ணப்பம் செய்யலாம். இதன்மூலம் பணி அனுபவம் இல்லாதவர்கள் கூட விண்ணப்பிக்க முடியும். இதுதவிர முக்கியமான கண்டிஷன் உள்ளது. இந்த பணிக்கு விண்ணப்பம் செய்வோர் கடந்த 3 மாதத்தில் ஆக்சென்ச்சரின் பிற இன்டர்வியூக்களில் பங்கேற்று இருக்க கூடாது.
பணிக்கு தேர்வாகும் நபர்களுக்கு மாத சம்பளமாக ஆண்டுக்கு ரூ.3 லட்சத்து 44, 200 வழங்கப்பட உள்ளது. பணிக்கு தேர்வாகும் நபர்கள் தமிழகத்தில் சென்னை, கோவையில் நியமனம் செய்யப்படுவார்கள். இதுதவிர பெங்களூர், ஹைதராபாத், குர்கிராம், புனே, கொல்கத்தா, நாக்பூர், இந்தூர், மும்பை, ஜெய்ப்பூர் உள்ளிட்ட இடங்களில் பணியமர்த்தப்படுவார்கள்.
தகுதி மற்றும் விருப்பம் உள்ளவர்கள் ஆக்சென்ச்சர் நிறுவனத்தின் அதிகாரப்பூர்வ இணையதளம் சென்று விண்ணப்பம் செய்ய வேண்டும். விண்ணப்பம் செய்வதற்கான கடைசி நாள் பற்றியும் தெரிவிக்கப்படவில்லை. இதனால் இந்த பணியை விரும்புவோர் முடிந்தவரை விரைவாக விண்ணப்பம் செய்யலாம்.
பணிக்கான அதிகாரப்பூர்வ அறிவிப்பு மற்றும் ஆன்லைனில் விண்ணப்பம் செய்ய Click Here
Click it and Unblock the Notifications
Sign in with Google