மாதஊதியம் ரூ.51,500 முதல் ரூ.63,070.. மாவட்ட நீதிபதியாக விருப்பமா? 50 காலியிடம்! அசத்தலான வாய்ப்பு

சென்னை: சென்னை உயர்நீதிமன்றம் சார்பில் காலியாக உள்ள 50 மாவட்ட நீதிபதிகள் பணியிடங்களை நிரப்பப்பட உள்ளது. பணிக்கு தேர்வாகும் நபர்களுக்கு மாதம் குறைந்தபட்சமாக ரூ.51,500 முதல் ரூ.63,070 வரை சம்பளம் வழங்கப்பட உள்ளது.

சென்னை உயர்நீதிமன்றம் சார்பில் காலியாக உள்ள 50 மாவட்ட நீதிபதிகள் பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு விண்ணப்பம் செய்யும் விண்ணப்பத்தாரர்கள் சட்டப்படிப்பை முடித்திருக்க வேண்டும். மேலும் வழக்கறிஞராக 7 ஆண்டு பணி செய்ய வேண்டும்.

இந்த பணியை பெற விரும்புவோர் 35 வயது முதல் 47 வயதுக்குள் இருக்க வேண்டும். எஸ்சி, எஸ்சி ஏ, எஸ்டி பிரிவினர் 50 வயதுக்குள்ளும், மாற்றுத்திறனாளிகள் (எஸ்சி/எஸ்டி) பிரிவினர் என்றால் 60 வயது வரையும் வயது தளர்வு வழங்கப்படுகிறது. விண்ணப்பம் செய்வோரின் வயது என்பது 01.07.2023ம் தேதியின் அடிப்படையில் கணக்கீடு செய்யப்படும்.

மேலும் விண்ணப்ப கட்டணமாக ரூ.2 ஆயிரம் நிர்ணயம் செய்யப்பட்டுள்ளது. எஸ்சி, எஸ்சி ஏ, எஸ்டி, மாற்றத்திறனாளிகளுக்கு விண்ணப்ப கட்டணம் கிடையாது. பணிக்கு தேர்வாகும் நபர்களுக்கு மாதம் குறைந்தபட்சமாக ரூ.51,500 சம்பளமாக வழங்கப்படும். அதிகபட்சம் என்றால் ரூ.63,070 வரை சம்பளம் வழங்கப்பட உள்ளது.

தகுதி மற்றும் விருப்பம் உள்ளவர்கள் www.tn.gov.in, https://www.hcmadras.tn.nic.in இணையதளம் மூலம் ஜூலை 31ம் தேதிக்குள் விண்ணப்பம் செய்ய வேண்டும். விண்ணப்பம் செய்வோர் முதன்மை தேர்வு, மெயின் தேர்வு, நேர்க்காணல் முறையில் தேர்வு செய்யப்படுவார்கள். பணிக்கான முதன்மை தேர்வு செப்டம்பர் மாதம் 30ம் தேதியும், மெயின் தேர்வு டிசம்பர் 2, 3 தேதிகளிலும், நேர்க்காணல் 2024 ஜனவரி 31ம் தேதிக்கு பிறகும் நடைபெற உள்ளது.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

Chennai High Court has released a notification to fill up 50 District Judge vacancies. The minimum monthly salary of Rs.51,500 to Rs.63,070 will be given to the candidates.