அசத்துங்க! டிகிரி போதும்.. கோவை மாநகராட்சியில் சூப்பர் வேலைவாய்ப்பு! நாளை கடைசி நாள்! தேர்வு இல்லை
கோவை: கோவை மாநகராட்சியில் தேசிய நகர்ப்புற சுகாதார இயக்கத்தின் கீழ் ‛அக்கவுண்ட் அசிஸ்டென்ட்' மற்றும் ‛டேட்டா என்ட்ரி ஆபரேட்டர்' பணிகள் நிரப்பப்பட உள்ளது. தேர்வு இல்லாத இந்த பணிகளுக்கு நாளை (திங்கட்கிழமை) நேர்க்காணல் நடைபெற உள்ளது.
தமிழ்நாட்டில் தேசிய நகர்புற சுகாதார இயக்கம் சார்பில் மாவட்டம், மாநகராட்சி சார்பில் பல்வேறு பணியிடங்கள் நிரப்பப்பட்டு வருகிறது. அந்த வகையில் தற்போது கோவை மாநகராட்சியில் காலிப்பணியிடங்கள் நிரப்பப்பட உள்ளது. அந்த அறிவிப்பின் முக்கிய விபரங்கள் வருமாறு:
கோவை மாநகராட்சியில் தேசிய நகர்ப்புற சுகாதார இயக்கத்தின் (NUHM), மாநகர நலச்சங்கத்தின் கீழ் செயல்பட்டு வரும் நகர திட்ட மேலாண்மை அலுவலகத்தில் அக்கவுண்ட் ஆபிசர் மற்றும் டேட்டா என்ட்ரி ஆபரேட்டர் பணியிடங்கள் நிரப்பப்பட உள்ளது.
அக்கவுண்ட் ஆபிசர் பணிக்கு பிகாம், எம்காம் முடித்து பணி சார்ந்து ஒரு ஆண்டு அனுபவம் கொண்டிருக்க வேண்டும். இல்லாவிட்டால் ஓய்வு பெற்ற அரசு கணக்கு அலுவலர் மற்றும் ஓய்வு பெற்ற உதவி கணக்கு உதவியாளர்களும் விண்ணப்பம் செய்யலாம். டேட்டா என்ட்ரி பணிக்கு ஏதேனும் ஒரு பிரிவில் பட்டப்படிப்பு முடித்திருக்க வேண்டும்.
மேலும் 2 பணிகளுக்கும் விண்ணப்பம் செய்வோர் தமிழ், ஆங்கிலத்தில் டைப் செய்யும் திறமை கொண்டிருக்க வேண்டும். அதோடு விண்ணப்பத்தாரர்கள் 35 வயதுக்குள் இருக்க வேண்டும். தற்போதைய அறிவிப்பின்படி அக்கவுண்ட் ஆபிசர் மற்றும் டேட்டா என்ட்ரி ஆபரேட்டர் பணிக்கு தலா ஒருவர் என மொத்தம் 2 பேர் தேர்வு செய்யப்பட உள்ளனர். இந்த பணி என்பது தற்காலிகமானது தான்.
தகுதி மற்றும் விருப்பம் உள்ளவர்கள் ஜூன் 26ம் தேதி (நாளை, திங்கட்கிழமை) நேர்க்காணலில் பங்கேற்கலாம். நேர்க்காணலுக்கு செல்வோர் கல்வி சான்றிதழ்கள் அசல், நகல், இருப்பிட சான்றிதழ், ஆதார் அடையாள அட்டை, சாதி சான்றிதழ் கொண்டு செல்ல வேண்டும். கொரோனா தடுப்பு பணிக்கான சான்று இருந்தாலும் கொண்டு செல்ல வேண்டும். ஏனென்றால் இந்த பணிக்கு கொரோனா தடுப்பு பணியில் ஈடுபட்டவர்களுக்கு முன்னுரிமை வழங்கப்படும்.
நேர்காணல் என்பது நாளை காலை 10 மணிக்கு கோவை மாநகராட்சி பிரதான அலுவலகத்தில் நடைபெற உள்ளது. பணிக்கான சம்பளம் என்பது என்ன என்பது பற்றி எந்த தகவலும் இல்லை. ஆனாலும் தகுதி மற்றும் அரசு விதிகளின்படி நல்ல சம்பவளம் வழங்கப்பட வாய்ப்புள்ளது என கூறப்படுகிறது.
Click it and Unblock the Notifications
Sign in with Google