கைநிறைய சம்பளம்.. 10ம் வகுப்பு முடித்தாலே போதும்.. நீலகிரியில் அரசு வேலை.. அழைக்கும் கார்டைட் ஆலை

நீலகிரி: மத்திய பாதுகாப்பு துறை அமைச்சகத்தின் கட்டுப்பாட்டில் நீலகிரி மாவட்டம் அருவங்காட்டில் கார்டைட் தொழிற்சாலை செயல்பட்டு வரும் நிலையில் அங்கு காலியாக உள்ள ஏராளமான பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு 10 ம் வகுப்பு முடித்தவர்கள் விண்ணப்பம் செய்து பணியை பெற முடியும். பணிக்கு தேர்வாகும் நபர்களுக்கு மாதம் ரூ.19,900 சம்பளமாக வழங்கப்பட உள்ளது.

மத்திய பாதுகாப்பு அமைச்சகம் மற்றும் இந்திய ஆயுத தொழிற்சாலையின் கீழ் இந்தியாவில் கார்டைட் தொழிற்சாலைகள் இயங்கி வருகிறது. தமிழ்நாட்டில் நீலகிரி மாவட்டம் அருவங்காட்டில் கார்டைட் தொழிற்சாலை உள்ளது. இங்கு மத்திய பாதுகாப்பு துறைக்கு தேவையான வெடிமருந்துகள் மற்றும் கார்டைட் தயாரிக்கப்படுகிறது.

இந்நிலையில் தான் நீலகிரி மாவட்டம் அருவங்காடு கார்டைட் தொழிற்சாலையில் ரசாயன செயல்முறைக்கான பணியாளர் (Chemical Process Worker) பணியிடங்கள் நிரப்பப்பட உள்ளது. இந்த பணிக்கு மொத்தம் 49 பேர் தேர்வு செய்யப்பட உள்ளனர். பணிக்கு விண்ணப்பம் செய்வோர் மத்திய அல்லது மாநில அரசால் அங்கீகரிக்கப்பட்ட கல்வி நிறுவனங்களில் 10ம் வகுப்பு படிப்பை முடித்திருக்க வேண்டும். மேலும் என்சிவிடி சார்பில் என்ஏசி/என்டிசி சான்று பெற்றிருக்க வேண்டும்.

விண்ணப்பம் செய்வோர் 18 வயது முதல் 30 வயதுக்குள் இருக்க வேண்டும். ஓபிசி பிரிவினருக்கு 3 வயது வரையும், எஸ்சி, எஸ்டி பிரிவினர் மற்றும் முன்னாள் படை வீரர்களுக்கு 10 ஆண்டுகள் வரை வயது தளர்வு உண்டு. வயது என்பது 2023 ஏப்ரல் மாதம் 1ம் தேதியின் அடிப்படையில் கணக்கீடு செய்யப்படும்.

இது ஒரு தற்காலிக பணியாகும். முதலில் ஒரு ஆண்டும், தேவையென்றால் அதிகபட்சமாக 4 ஆண்டு வரையும் பணியமர்த்தப்படுவார்கள். பணிக்கு தேர்வு செய்யப்படுவோருக்கு மாதம் ரூ.19,900 சம்பளமாக வழங்கப்படும். மேலும் டிஏவும் வழங்கப்படும். தகுதி மற்றும் விருப்பம் உள்ளவர்கள் அதிகாரப்பூர்வ இணையதளம் சென்று விண்ணப்பம் பதிவிறக்கம் செய்து ஆப்லைனில் விண்ணப்பம் செய்ய வேண்டும்.

விண்ணப்பங்களை The General Manager, Cordite Factory, Aruvankadu, The Nilgiris District, Tamil Nadu PIn - 643 202 என்ற முகவரிக்கு மே மாதம் 14ம் தேதிக்குள் அனுப்பி வைக்க வேண்டும். இவ்வாறு விண்ணப்பம் செய்வோர் டிரேட் தேர்வு( Trade Test)/ செய்முறை தேர்வு (Practical test) மூலம் பணிக்கு தேர்வு செய்யப்பட உள்ளனர்.

பணி தொடர்பான அறிவிப்பு மற்றும் விண்ணப்ப படிவம் பதிவிறக்கம் செய்ய Click Here

English summary

A notice has been issued to fill up a large number of vacant posts while the cordite factory is functioning at Aruvangad in the Nilgiris district under the control of the Union Ministry of Defense. Candidates who have completed 10th standard can apply for this job. 19,900 per month salary will be given to the selected candidates.