வந்தாச்சு.. வந்தாச்சு.. தமிழ்நாடு காவல்துறையில் பணியாற்ற வாய்ப்பு.. 3 ஆயிரம் பணியிடங்கள்

சென்னை: தமிழ்நாடு காவல்துறையில் இரண்டாம் நிலைக் காவலர், இரண்டாம் நிலை சிறைக் காவலர், மற்றும் தீயணைப்பாளர் பதவிகளுக்கான 3,359 பணியிடங்களை நிரப்ப அறிவிப்பு வெளியாகியுள்ளது. இது பற்றிய விவரங்களை கீழே காணலாம்.

காவல்துறையில் பணியாற்ற வேண்டும் என்பது வேலை தேடும் பல இளைஞர்களின் கனவாக உள்ளது. இளம் வயதில் இருந்தே இதற்கான உடல் தகுதியை பராமரித்துக் கொண்டு தீவிர பயிற்சியை பல இளைஞர்களும் மேற்கொண்டு வருகிறார்கள். காவல்துறையில் வேலை பார்க்க விரும்பும் இளைஞர்களின் கனவை நனவாக்கும் வகையில் தற்போது தமிழ்நாடு சீருடைப் பணியாளர் தேர்வு வாரியம் வெளியிட்டுள்ளது.

அதாவது, இரண்டாம் நிலைக் காவலர் , இரண்டாம் நிலை சிறைக் காவலர், மற்றும் தீயணைப்பாளர் பதவிகளுக்கான பொதுத்தேர்வு மூலம் ஆட்சேர்ப்பு அறிவிக்கை வெளியாகியுள்ளது. இது பற்றிய விவரம் வருமாறு:-

காலி பணியிடங்கள்: இரண்டாம் நிலை காவலர் (மாவட்ட/ மாநகர ஆயுதப் படை) -780 பெண்கள்; இரண்டாம் நிலை காவலர் (தமிழ்நாடு சிறப்பு காவல் படை) 1819 (ஆண்கள்) , சிறை மற்றும் சீர்திருத்த துறையில் இரண்டாம் நிலை காவலர் பதவிக்கு 83 ஆண்களும் 3 பெண்களும் என மொத்தம் 86 பேர் தேர்வு செய்யப்படுகிறார்கள்.

தீ அணைப்பு மற்றும் மீட்பு பணிகள் துறையில் தீயணைப்பாளர் பதவிக்கு 674 பேர் நியமிக்கப்படுகிரார்கள். மொத்தமாக 2,576 ஆண்கள், 783 பெண்கள் என மொத்தம் இரண்டாம் நிலை காவலர் பணியிடஙக்ளில் 3,359 பணியிடங்கள் நிரப்படுகின்றன.

வயது வரம்பு: 1.07.2.2023 படி குறைந்தபட்சம் 18 வயது பூர்த்தி ஆகியிருக்க வேண்டும். அதிகபட்சமாக 26 வயதுக்கு மேல் இருக்கக் கூடாது. (வயது உச்ச வரம்பில் அரசு விதிகளின் படி தளர்வுகள் உண்டு. எனவே பிரிவுகளுக்கு தகுந்தபடி மாறுபடும்)

கல்வி தகுதி: குறைந்தபட்சம் பத்தாம் வகுப்பு தேர்ச்சி பெற்றிருக்க வேண்டும்.

சம்பளம் எவ்வளவு?: இரண்டாம் நிலை காவலர் பணியிடங்களுக்கான ஊதிய விகிதம்: ரூ.18,200- 67,100

விண்ணப்பிப்பது எப்படி?: இணையவழி விண்ணப்பம் சமர்பிப்பதற்கான ஆரம்ப தேதி 18.08.2023, விண்ணப்பங்களை சமர்பிக்க கடைசி நாள்; 17.09.2023. தேர்வு நடைபெறும் தேதி பின்னர் அறிவிக்கப்படும். கூடுதல் விவரங்களை https://www.tnusrb.tn.gov.in/ என்ற இணையதளத்தில் தெரிந்து கொள்ளலாம். செய்தித்தாள்களில் இதற்கான அறிவிப்பு வெளியாகியுள்ளது.

English summary

Tamil Nadu Police has released a notification to fill up 3,359 posts for Constable II, Jail Warden II, and Fireman Posts. Details about this can be found below.