கல்லூரி செமஸ்டர் தேர்வுகளையும் ரத்து செய்ய ஹேஷ்டேக், மீம்ஸ்கள்.. அடேங்கப்பா நெட்டிசன்ஸ் முடியலையே!

சென்னை: 10-ம் வகுப்பு பொதுத் தேர்வுகளை ரத்து செய்து அனைவரும் தேர்ச்சி பெற்றதாக அறிவித்ததைப் போல கல்லூரி செமஸ்டர் தேர்வுகளையும் தமிழக அரசு ரத்து செய்ய வேண்டும் என்ற கோரிக்கையை மீம்ஸ்கள், ஹேஷ்டேக்குகள் மூலம் மாணவர்கள் வலியுறுத்தி வருகின்றனர்.

தமிழகத்தில் வரும் 15-ந் தேதி பத்தாம் வகுப்பு பொதுத்தேர்வு நடைபெறும் என தமிழக அரசு அறிவித்திருந்தது. இதற்கான அனைத்து ஏற்பாடுகளும் செய்யப்பட்டிருந்தன.

ஆனால் கொரோனா நாளுக்கு நாள் அதிகரித்து வருகிற நிலையில் பத்தாம் வகுப்பு பொதுத்தேர்வுகளை ஒத்தி வைக்க வேண்டும் என்று பொதுமக்கள் வேண்டுகோள் வைத்தனர். எதிர்க்கட்சிகளும் இதே கோரிக்கையை முன்வைத்து போராட்டங்களையும் அறிவித்தன.

10-ம் வகுப்பு தேர்வு ரத்து

இந்த நிலையில் முதல்வர் எடப்பாடி பழனிசாமி நேற்று மக்களுக்கு உரையாற்றினார். அப்போது கொரோனா பாதிப்பு தொடருவதால் பெற்றோர் கோரிக்கையை ஏற்று 10-ம் வகுப்பு பொதுத்தேர்வு ரத்து செய்யப்படுவதாக அறிவித்தார். மேலும் 10-ம் வகுப்பு தேர்வு எழுதிய அனைத்து மாணவர்களும் தேர்ச்சி பெற்றதாகவும் அவர் அறிவிப்பு வெளியிட்டார்.

செமஸ்டர் தேர்வுகளையும் ரத்து செய்ய வேண்டும்

முதல்வரின் இந்த அறிவிப்புக்கு எதிர்க்கட்சிகள் நன்றி தெரிவித்துள்ளன. பெற்றோர்களும் மாணவர்களும் பெரும் மகிழ்ச்சியை வெளிப்படுத்தி வருகின்றனர். இந்த நிலையில் 10-ம் வகுப்பு தேர்வு ரத்து செய்யப்பட்டதைப் போல தங்களது செமஸ்டர் தேர்வுகளையும் ரத்து செய்ய வேண்டும் என்று கல்லூரி மாணவர்களும் கோரிக்கை விடுத்துள்ளனர். இதனை #CancelTNSemesterExams என்ற ஹேஷ்டேக் மூலம் சமூக வலைதளங்களில் வலியுறுத்தி வருகின்றனர்.

ராமு ஜானுவை பிரித்த எக்ஸ்டாம்

அத்துடன் சமூக வலைதளங்களில் தங்களது கோரிக்கைகளை வலியுறுத்தி மீம்ஸ்களையும் தெறிக்கவிட்டு வருகின்றனர் கல்லூரி மாணவர்கள். 96 திரைப்படத்தில் ராமுவும் ஜானுவும் 10-ம் வகுப்பு தேர்வு எழுதிய பின்னர் வெவ்வேறு ஊர்களுக்கு பிரிந்து சென்றுவிடுவர். இருவரது காதலும் ஏக்கத்துக்குரியதாக இருந்துவிடும். இதை கான்செப்ட்டாக வைத்து கலக்கி இருக்கின்றனர்.

அங்க புதுவையில் எல்லாம்..

அதேபோல் தமிழகத்தைப் பின்பற்றி புதுவையிலும் 10-ம் வகுப்பு தேர்வுகள் ரத்து செய்யப்பட்டு ஆல் பாஸ் அறிவிக்கப்பட்டது. ஆனால் புதுவையில் கல்லூரி செமஸ்டர் தேர்வுகள் ரத்து செய்யப்பட்டுவிட்டன. இதனால் புதுவையை பின்பற்றி தமிழகத்திலும் கல்லூரி செமஸ்டர் தேர்வுகள் ரத்தாகுமா என்கிற எதிர்பார்ப்பை வெளிப்படுத்துகிறது இந்த மீம்ஸ்.

எங்களுக்கும் ஏதாவது...

மற்றொரு மீம்ஸில் ஏதோ நாங்களும் இருக்கிறோம்.. எங்களுக்கும் ஏதோ பார்த்து செய்யுங்க முதல்வரே என கல்லூரி மாணவர்கள் வேண்டுகோள் வைப்பது போல் உருவாக்கப்பட்டிருக்கிறது. சார் அப்படியே எங்களுக்கும் ஏதாவது பார்த்து பண்ணிவிடுங்க என்கிறது இன்னொரு மீம்ஸ்.

Vera Level Speed 💥

S T U D E N T S ❤️ U N I T Y #CancelTNSemesterExams pic.twitter.com/aSIlPZ0WYV

— Krishna 02 ❤️𝓣𝓱𝓪𝓵𝓪𝓹𝓪𝓽𝓱𝔂𝓥𝓲𝓳𝓪𝔂46👑 (@Krsh022) June 9, 2020

செம வீடியோக்கள்

இந்த கோரிக்கையை நெட்டிசன்கள் பாட்டாகவே பாடிவிட்டனர் என்கிற கதையாக இந்த வீடியோக்களை சொல்லலாம்.. என்ன பெர்பார்மன்ஸு. என்னா யோசனை.. யப்பா..ஸ்ஸ்ஸ்ஸ்ஸ்ஸ்ஸ்ஸ், முடியலை சாமீகளா

அடேய் என்னடா இதெல்லாம் 😂@SRajaJourno @subashprabhu @Priyan_reports @rameshibn @rajakumaari pic.twitter.com/LJDZahozdX

— Viji Nambai (@vijinambai) June 9, 2020

ஆரத்தியே எடுத்திட்டான்யா

இன்னொரு வீடியோ இது.. முதல்வர் எடப்பாடியின் அறிவிப்பு தொடர்பான டிவி செய்திக்கு ஆரத்தியே எடுத்து சாமி கும்பிடும் காட்சி இது. என்னங்கடா இது! எவ்வளவு நேரமாப்பா சிரிச்சுகிட்டே இருக்கிறதுன்னு கேட்கிற வைக்கிறார்களே இந்த நெட்டிசன்ஸ் சுட்டீஸ்

English summary

Tamilnadu College Students had demanded to cancel their Semster Exams.